"Të quash Edi Ramën derr, është fyerje për derrin”. A është kjo shpifje?

Sot protesta e studentëve ka prodhuar edhe disa konsiderata për kryeministrin që duket se për një kategori është në pikat më të ulëta të popullaritetit. “Vajzat që e qëlluan me vezë, ai i quajti pula që kakarisin. Kam menduar gjithë këto ditë që kryeministri meriton të quhet një derr, një derr që hungërin me propagandën e tij agresive, por nuk do ta quaj ashtu.

Nuk do ta quaj ashtu, sepse fyej derrin” ka thënë Arlind Qori, një nga pedagogët në Universitetin e Shkencave Sociale. Çfarë vërtetësie mund të ketë një deklaratë e tillë? Ndoshta për këtë duhen studime të mëtejshme, por paradoksalisht, po sot, bëhet me dije, se kryeministri i vendit, shumica që ai drejton, ka vendosur të konsiderojë si vepër penale shpifjen. “Media këtu ka të gjithë lirinë të thotë çfarë të dojë, ka lirinë të shpifë sa të dojë, ka të drejtën të akuzojë kë të dojë, ashtu sikundër unë besoj se media nuk mund të sillet si lulja mos më prek”.

Sipas shpjegimit që bën qeveria për të mbrojtur propozimin e kryeministrit, shfuqizimi tre vjet më parë i veprës penale të shpifjes ndaj zyrtarëve të lartë ishte një veprim i parakohshëm, me impakt negativ dhe që ka nxitur shpifjen në emër të lirisë së shprehjes”, raporton Top-Channel.