Lëvizja e radhës, kreu i KLSH-së kërkon seancë dëgjimore nga Kuvendi dhe komision ekspertësh për auditin e aferës CEZ

Kryetari i Kontrollit të Lartë të Shtetit, Bujar Leksaj, ka kërkuar nga Kuvendi i Shqipërisë që ta dëgjojë në një seancë të posaçme plenare lidhur me raportin e auditimit për çështjen e CEZ. Ai i ka dërguar një letër kreut të Kuvendit, Ilir Meta, kryetarëve të Grupeve Parlamentare(zbardhur nga "syri.net"), përmes së cilës kërkon të bëjë vetë sqarimin e auditit të kryer si dhe sugjeron ngritjen e një komisioni të posaçëm ekspertësh nga Kuvendi, me synim vlerësimin e auditit. Kjo është një lëvizje që e vendso ministrin Gjiknuri dhe protektorin e tij të fundëm, kryeministrin para një sfide. Kjo pasi të dy këta, si dhe Avokati i Shtetit, Alma Hicka e kanë cilësuar auditin jo profesional. Loja e CEZ vazhdon dhe duart e bëra pis me sa duket “pastrohen” vetëm me ndryshime në qeveri që janë kërkuar nga Ilir Meta.