Slideri Kryesor

Greqia dhe Turqia kanë bashkuar përpjekjet për të siguruar që dy kandidatë të tyre të fitojnë vendet drejtuese në OSBE në Europë. Mania Telalian e Greqisë për kreun e Zyrës për të Drejtat e Njeriut në OSBE dhe Feridun Sinirlioglu për sekretar të Përgjithshëm nga Turqia. Në përpjekje për të siguruar emërimin dy ambasadorët e të dy vendeve në SHBA, Katerina Nassika e Greqisë dhe Sedat Onal i Turqisë kanë bërë demarshe pranë Ndihmës Sekretarit të Shtetit, James O’Brien ndërkohë që gazeta “Kathimerini” njofton se të dyja shtetet po lobojnë edhe në Europë.

Qeveria serbe ka miratuar një projektligj, me të cilin e shpall Kosovën zonë të mbrojtjes së veçantë sociale. Ligji që pritet t’i kalojë Parlamentit, sipas qeverisë serbe, synon “të rregullojë të drejtat për mbrojtje të veçantë sociale, si dhe kushtet, juridiksioni dhe procedura për ushtrimin e këtyre të drejtave, për të parandaluar shfaqjen e përjashtimit social në atë zonë dhe eliminimin e pasojave të tij”.

Armenia dhe Azerbajxhani janë afër një traktati paqeje të plotë. Lajmi bëhet i ditur nga ministri i Jashtëm armen, Ararat Mirzoyan gjatë një fjalimi në parlament.

Me një optimizëm të kujdesshëm, besoj se në të ardhmen e afërt do të jemi në gjendje të biem dakord mbi një apo dy pikat e mbetura dhe të kemi një traktat të dakordësuar paqeje të plotë

ka thënë ai.  

Një gjykatë në Rusi gjobiti Google me rreth 20 decilion dollarë për bllokimin e përmbajtjes së tyre.

Për të bërë një krahasim, Banka Botërore e vlerëson GDP-në globale në rreth 100 trilion dollarë, një fraksion në krahasim me gjobën e mundshme. Praktikisht, për të shlyer këtë gjobë, Google-it i duhet të gjejë më shumë para se sa ekzistojnë në Tokë.

Anëtarësimi në BE është më shumë se kurrë zgjedhje strategjike. Përfaqësuesi i Lartë i Bashkimit Evropian për Punët e Jashtme dhe Politikën e Sigurisë dhe Zëvendëspresident i BE-së. Joseph Borrell prezantoi sot Paketën e Zgjerimit 2024, duke u ndalur në sfidat e paprecedenta me të cilat është përballur Unioni në 5 vitet e fundit.

"Ne mbetemi të vendosur për të mbrojtur vlerat tona dhe për të ndihmuar Ukrainën, si kur bëhet fjalë për rrugën drejt BE-së. të vendit dhe në fushën e betejës”, tha Borrell duke iu referuar konfliktit mes Rusisë dhe Ukrainës.

Paratë e taksapaguesve të kryeqytetit nuk kanë shkuar për shërbime. Sipas raportit 9-mujor të Bashkisë së Tiranës, detaje të të cilit u bënë të ditura në MCN nga kreu i këshilltarëve demokratë, Ilir Alimehmeti, për 9 muajt e 2024-s për investime janë shpenzuar vetëm 24% e të ardhurave.

Sipas shifrave të Bashkisë, të ardhurat në arkën e saj janë rritur ndjeshëm në krahasim parashikimin. P.sh., arkëtimet nga gjobat janë rritur me 211%.

Kompania gjermane e prodhimit të makinave, “Audi” ka vendosur mbylljen e impiantit të vet të prodhimit në Bruksel. Në këtë impiant ndërtohen modelet “Q8” dhe “Sportback” dhe në vijim të punës, kompania njofton se do të zhvendosë prodhimet përkatëse dhe modeve pasuese në Meksikë.

Bashkimi Evropian duhet të hapë agjencinë e vet të inteligjencës. Ideja është hedhur nga ish-presidenti finlandez Sauli Niinistö.

Në mars, Niinistö - i cili ka qenë president i Finlandës për më shumë se një dekadë – u ngarkua nga presidentja e Komisionit Evropian, Ursula von der Leyen, me detyrën për të hartuar një raport të detajuar mbi gatishmërinë e bllokut për luftë dhe mbrojtje civile, së bashku me propozimet për përmirësim.

Dikush qëlloi dje Fredi Belerin me vezë. Akuza ishte e rëndë: Ke vrarë dhe vjen këtu na bën karshillëk!

Sigurisht që është e lehtë të qëllosh mbi Belerin. Armik I Shqipërisë zyrtare, shqiptarisë analfabete dhe servile ndaj një kryeministri që ka humbur pusullën, por edhe një gjest patriotik medemek.

Dakord. Po sa deputetë nga Parlamenti shqiptar dolën se ishin vrasës, tutorë prostitutash, hajdutë e banditë? Sa? Pse nuk qëlloi dikush me vezë mbi ta? Pse nuk u tha kush një fjalë?!

Spanja e jugut është goditur nga anticikloni DANA, si pasojë e të cilit kanë vdekur 60 njerëz. Fotot dhe videot e shpërndara tregojnë një gjendje gati katastrofike në Valencia ndërkohë që paralajmërimi për kohë të keqe u është dhënë Saragozës, Navarrës, Burgosit, Lleidës, Hueskas, Teruelit, La Rihojas, Sorias dhe Kordova i Alava.