Slideri Kryesor

Kryeministrja franceze sugjeron një “periudhë shërimi” për vendin, pas javësh të tëra protestash të dhunshme kundër rritjes së moshës së pensionit. Megjithatë, Elisabeth Borne nuk e ka një strategji se si mund të dilet nga trazirat politike.

Protestat, të cilat filluan si një lëvizje e udhëhequr nga sindikatat kundër reformës së kontestuar të pensioneve, kanë bërë bashkë zemërimin ndaj Macron-it, pasi ai shmangu votimin e ligjit në Parlament.

Rusia mund të tërhiqet nga marrëveshja që zhbllokoi eksportet e grurit nga portet e Ukrainës, nëpërmjet një korridori të sigurt në Detin e Zi, nëse nuk lejohet eksportimi i produkteve ruse.

"Nëse nuk ka përparim pozitiv në heqjen e barrierave për eksportet ruse të grurit dhe plehërave fertilizues, ne do të vlerësojmë nëse kjo është një marrëveshje e nevojshme", tha ministri i Jashtëm rus, Serghei Lavrov, gjatë një konference të përbashkët shtypi me homologun turk, Mevlut Cavusoglu, në Ankara.

Në mbledhjen e sotme, qeveria vendosi sot rritjen e pagave për një kategori punonjësish. Kabineti i Ramës ka rënë dakord për projektligjin për rritjen e pagave, falë të cilit paga mesatare do të shkojë nga 563 euro, në 900 euro.

Në kategoritë që përfitojnë rritje të pagës bien në sy mësuesit, të cilët kanë paga edhe më të ulëta se homologët në Malin e Zi dhe Kosovë.

Rritje pagash do të ketë edhe për infermierët, një kategori profesionistësh që prej disa vitesh janë orientuar drejt tregut të punës në Gjermani dhe vendet e tjera të Europës.

Në një diskutim televiziv dje, kryetari aktual i Bashkisë së Tiranës është përballur me analistë për çështjen e ndërtimeve. Kryetari i Bashkisë e ka mbrojtur atë që e quajti “industri e ndërtimit” me faktin se ajo ka rivlerësuar pronën dhe së dyti sepse në këtë industri punojnë 100 mijë njerëz. 

Lajme të mira

tha kryetari. 

Arabia Saudite dhe Irani po shkojnë drejt rivendosjes së marrëdhëieve diplomatike të nivelit më ta lartë. Diplomatët kryesorë të vendit, Hossein Amir-Abdollahian dhe minsitri saudit, Prince Faisal bin Farhan kanë deklaruar nga Pekini se të dyja vendet bien dakord që të bashkëpunojnë për stabilitetin në rajonin e Lindjes së Mesme.

Grupi “Homeland Justice” ka publikuar sot materiale të brendshme dhe jo vetëm të Autoritetit Kombëtar të Sigurisë së Informacionit të Klasifkuar. Në rrjedhën e hakerimit të sistemeve shtetërore ky përfaqëson ndoshta më kuriozin për shkak se në një seri shkresash vihet në dukje nevoja për marrje masash për sigurimin e informacionit në institucione, fizik dhe online, instalimi i sistemeve të reja, inspektimet e kështu me radhë. Ja p.sh një pjesë standard:

Gjatë një takimi me përfaqësues të sektorit të hotelerisë, kryeministri Edi Rama ndër të tjera tha: 

Ne nuk do t’i japim asnjë shërbim kompanive që nuk shpërblejnë si duhet punonjësit. Ne nuk do të pranojmë që të futen në tenderë të shtetit, me paratë e shtetit, kompani ndërtimi që deklarojnë se i paguajnë punëtorët me pagë minimale. Gënjejnë, sepse nuk ka punëtor ndërtimi që hipën në skelë dhe merr pagë minimale. Ato që i paguajnë në të zezë duhet të deklarohen, sepse u marrin të ardhmen

Ministri i Jashtëm i Britanisë së Madhe, James Cleverly ka bërë thirrje që anëtarët e NATO-s të shmangin në këtë moment diskutimin apo konsiderimin e kërkesës së Ukrainës për t’u anëtarësuar në aleancë. Në një intervistë për “Politico”, Cleverly ka vënë në dukje se anëtarësimi është një derë e hapur në planin aftagjatë, por ky nuk është momenti për të konkretizuar gjërat.

Prioriteti tani është vetëmbrojtja. Mendoja se radha e gjërave ka rëndësi – dhe sot puna konsiston në ndihmën e Ukrainës për të mbrojtur veten

Qiraxhiu, në fjalorin e shtegtarëve, është ai që i paraprin karvanit të kafshëve ngarkuar me mallra përkundrejt një qiraje. Këtej rrjedh edhe emri i këtij zanati shumë të vjetër. Në kujtesën e banorëve të Epirit, por jo vetëm, karvanët ishin mjet udhëtimi në mërgim, por edhe urë me botën. Udhëtime që zgjasnin me javë të tëra, me udhërrëfyes qiraxhinjtë, lidhnin Epirin me qendra të largëta si Stambolli, Vjena, Moldovllahia, etj.

Gjykata e Arbitrazhit refuzon të rishqyrtojë dëmshpërblimin 108 milionë euro, që qeveria shqiptare duhet t’i shlyejë biznesmenit italian, Françesko Beketi. Kërkesa për rishikim e palës shqiptare, e depozituar pranë Qendrës Ndërkombëtare për Zgjidhjen e Mosmarrëveshjeve të Investimeve në Bankën Botërore, u hodh poshtë me argumentin se nuk ka bazë ligjore.

Vendimi për dëmshpërblimin e Beketit nga qeveria shqiptare është marrë në vitin 2019, por sipas trupës gjykuese gjatë kësaj kohe, Shqipëria e përfaqësuar nga Avokatura e Shtetit, nuk ka paraqitur asnjë fakt të ri.