Slideri Kryesor

Ndër prononcimet e fundit, ai që e risolli si çështje në vëmendje ishte socialisti i vjetër Sabit Brokaj, që në një intervistë për gazetën Dita deklaroi se falja që PS i bëri Sali Berishën në 1997 ishte një gabim i madh. Deklarata më e freskët është ajo e deputetit Erion Braçe ditën e djeshme, kur pas sjelljes agresive të opozitës në Kuvend, pranoi në një shënim se krimet e Berishës u amnistuan nga socialistët. Këto dhe të tjera pendime, duket se kanë shkuar drejt krijimit të një linje në Partinë Socialiste, siç raporton gazeta Sot.

Dhjetë ditë përpara së të fillonte viti i ri shkollor u dha lajmi se librat për të 12 vitet e sistemit parauniversitar ishin gati për shitje. Të informuar apo krejt të paditur për atë që do të blinin me para, nxënës e prindër bashkë zunë radhën në ambientet e shkollave përkatëse për të marrë librat e vitit, që gjithsesi nuk mund të thuash se janë aq të lira në çmim, dhe për djall vazhdojnë të jenë po aq të rëndë si peshë për t’u mbajtur pas shpine sidomos nga fëmijët e fillores.

Portali “Droni.al” ka publikuar dosjen e prokurorisë mbi ngjarjen e Lagunës së Patokut, ku u përfshi edhe deputeti Armando Prenga. Materiali shoqërohet me një faksimile të kërkesës së Prokurorit të Përgjithshëm, Adriatik Llalla, drejtuar Kuvendit të Shqipërisë për dhënien e autorizimit për arrestijin e Prengës. Në versionin e vet, prokuria e shpall të akuzuar kryesor Prengën, ndaj më poshtë po e përcjellim materialin siç jepet në portalin e sipërcituar:

Kombëtarja shqiptare e futbollit ka pësuar një nga ato humbjet “klasike” që na ndodhin shpesh duke pësuar gol në minutat e fundit. Këtë herë ironia e fatit na ndëshkoi edhe më ashpër, sepse goli me kokë i Migel Velosos erdhi në minutën e fundit të shtesës 3 minutëshe. Ndërsa ndeshja në "Elbasan Arena" po shkonte drejt barazimit pa gola, një mungesë vëmendjeje e mbrojtjes sonë pas një goditjeje këndi, bëri që të vinte goli që zhyti në heshtje stadiumin dhe mbarë teleshikuesit.

Ka zgjatur vetëm pak kohë dyzimi mbi vërtetësinë e avionit të fundit të drogës në Itali, pasi ministrit i Brendshëm Saimir Tahiri deklaroi se huk ishte e vërtetë që ky mjet ishte nisur nga Shqipëria. “Sa për avionin në Itali, ai ishte nisur nga Torino për në Leçe. I bie që kryeministri italian dhe ministri italian të jenë përfshirë në trafik, ç’punë kishte policia shqiptare me ta?!”, tha Tahiri. Por sqarimin e bëri shumë shpejt policia italiane shkruante në faqen zyrtare të saj:

Dorëzimi i mandatit nga Arben Ndoka dhe heqja e mandatit për Armando Prengën detyrojnë zëvendësimin e tyre në Kuvendin e Shqipërisë. Gazeta “Dita” shkruan se në vend të Ndokës dhe Prengës do të duhet të vinin dy deputete femra, por ato e kanë refuzuar mandatin me rastin e dorëheqjes nga mandati të Mimi Kodhelit. Kështu radha vijon me Eduart Ndocajn dhe Kastriot Piroli. Ndocaj, shkruan “Dita” është larguar nga PS-ja për shkak të pakënaqësive. Kurse Piroli ndodhet në burg me akuzën e falsifikimit të dokumenteve.

Shkruan Erjon Braçe sot në Facebook: “Të të kërkojë llogari banda “Berisha”!!Do vinte një ditë kjo, tamam kjo: Keqbërësit më të mëdhenj në këtë vend të merrnin guximin dhe të kërkonin “llogari”. Shihini: Janë të gjithë ish-ministrat e kamur të Sali Berishës, me të në krye. Abuzuan me detyrën, vodhën, u pasuruan duke vjedhur, vranë për të vjedhur dhe vranë për të mbajtur pushtetin që ju jepte mundësi për të vjedhur. Sot janë të gjithë “mbi ligjin”, jo “nën ligjin”!! Gëzojnë e shfrytëzojnë çdo pasuri që krijuan duke vjedhur dhe nuk kanë mbi kurriz asnjë akuzë penale!!

Arben Ndoka, deputeti socialist i Lezhës, i përfolur shumë gjatë këtyre muajve, ka lënë mandatin e deputetit. “Lapsi.al” publikon letrën që ai i ka drejtuar Grupit Parlamentar të PS-së, në të cilën rrëfen shkurtimisht jetën e tij, si dhe zbulon se do të ndjekë deri në fund çështjen e tij me drejtësinë. Letra publikohet në një ditë me heqjen e mandatit për deputetin Armando Prenga. Ndoka u përfol shumë pas incidentit në Parlament me kolegun e tij të PD-së, Gent Strazimiri. Për të opozita ka publikuar edhe një vendim gjykate prej ku ai rezulton i dënuar.

Ministri i Brendshëm nxori sot në Kuvend një dokument që tregon se oficeri në arrati i antidrogës së Fierit, Dritan Zagani, është bashkëprivatizues i një objekti stallë në Orikum, ish - ekonomi ndihmëse e ushtrisë. Privatizimi është bërë në qershor 2013 dhe kjo tregon, tha Tahiri, se "oficeri ka qenë i blerë nga Berisha".

Ilir Meta është lodhur nga kërkesat për të dhënë dorëheqjen ndaj ua ka bërë të qartë deputetëve të opozitës se për 2 vjet nuk ka ndërmend të largohet nga posti ku është. Gjatë punimeve të seancës plenare ai ka komentuar akuzat ndaj tij për rryshfet me borxhet e CEZ, duke thënë se po merret nëpër gojë dhe po paragjykohet pa të drejtë, pasi nuk ka lidhje me këto akuza.