Slideri Kryesor

Rrëzimi i avionit rus Airbus 321 në gadishullin e Sianit është marrë përsipër nga një grup islamik që operon në Egjipt. Në një video të shpërndarë në rrjetet sociale ata e quajnë veten ushtarë të kalifatit, duke nënkuptuar se grupi është i afërt me Shtetin Islamik. 224 njerëz humbën jetën sot nga rrëzimi i avionit që fluturonte nga Sharm el-Sheikh drejt Saint Petersburg. Mes trupave janë edhe 17 fëmijë.

E ka fajina gazetari/ja. Këtë thonë politikanët sa herë nuk dinë nga të rrotullohen, por këtë thonë edhe përfaqësues të kulturës e të artit. Të asaj kulture e të atij arti që i ka zënë derën këtij vendi e që kërkon dafina. Alida Hisku u shfaq në një intervistë për “shqiptarja.com” ku deklaronte se e kishin përdhunuar ish-oficerë të Sigurimit. Deklaratë e fortë, lajm i vërtetë, pse i rrallë kur dikush rrëfen përvojën e përdhunimit. Kështu që kushdo qoftë gazetari/ja vështirë se do nagtërrohej duke shpikur me nënkuptimse Alida Hiskun e kanë përdhunuar.

Ndryshimi i sistemit zgjedhor dhe kalimi drejt atij me prim është tanimë një opsion aktiv për Partinë Socialiste. Madje edhe pse kryetari i saj, Edi Rama, mohoi publikisht dy ditë më parë se ka një ambicje të tillë, sot, një nga zëdhënësit e tij, ministri Bledi Çuçi, ka deklaruarvtë kundërtën për gazetën “Shqip”. “Vendi ynë si model mund t’i referohet modelit grek dhe spanjoll.

Kryeministri Edi Rama ishte sot i pranishëm në takimin me strukturat tatimore dhe biznesin me temë “Beteja me Informalitetin”. Në këtë takim me strukturat tatimore të përfshirë në aksionin kundër informalitetit dhe evazionit fiskal, Rama tha se mbyllja e syve para korrupsionit dhe evazionit fiskal nuk i ndihmon të varfrit. Kryeministri Edi Rama e krahasoi informalitetin e ekonomisë me një kancer që ka prekur organizmin e vendit. Duke vënë theksin në rëndësinë e këtij aksioni, kreu i Qeverisë u shpreh se informaliteti e polarizon ekonominë e vendit dhe nuk lejon konkurrencën e ndershme.

Një avion rus me 224 persona në bord, i cili rezultonte i humbur mbi hapësirën ajrore të Egjiptit, u rrëzua në Sinai, konfirmoi sot Ministria egjiptiane e Aviacionit Civil. “Avioni po shkonte drejt Shën Petërburgut”, njoftoi agjencia ruse e lajmeve, Itar-Tass, që shtoi se të gjitha pasagjerët ishin pushues rusë. Ministria egjiptiane e Aviacionit Civil  tha se: “Copa nga avioni janë gjatur pranë aeroportit al-Arish, në gadishullin e Sinait”.

Ka kohë që flitet, por sot një dokument i publikuar në portalin “lapsi.al” konfirmoi që Taulant Balla, një nga drejtuesit e Grupit Parlamentar të Partisë Socialiste, është një ndër sekserët kryesorë të qeverisë së drejtuar nga Edi Rama. 80 punësime mbi kriterin e besueshmërisë politike, ndërkohë që kjo mazhorancë, pabesinë e ka ngritur në institucion: ndryshoi Kodin e Punës për të garantuar instrumentet ligjore që t’ua fusë mirë atyre që heq nga puna. Nuk kanë më të drejtë të rikthehen. Mirëpo çështja nuk qëndron dhe aq këtu.

Deputeti Taulant Balla është sekseri kryesor i emërimeve partiake në administratën e Tatimeve. Lapsi.al publikon një faksimilie që provon mënyrën se si njerëzit futen në punë me teserë partiake, nga drejtoresha Briseida Shehaj që ka deklaruar se është e vendosur të bëjë shtet. Aty gjenden plot 372 vetë të "mbështetur" nga deputetë socialistë. Natyrisht ashtu sikurse pritej, numrin më të madh të emërimeve e ka bërë "Flamuri" i PS-së, Taulant Balla, me plot 80 emërime.

Raporti i Edi Ramës me "TV Klan" duket se i afrohet fobisë. Përveç informacioneve jozyrtare se Endri Fuga, ndërhyn personalisht për kronika lajmesh në këtë televizion, çështja e Lagunës Blu në Golem, shtohet si akt i “noterizuar” se Edi Rama nuk do ta ketë "Tv Klanin" kundër. Madje edhe me koston e tregtimit me pronarin e këtij televizioni të hapësirave publike. Andi Bushati tregon një bisedë personale të tij me Edi Ramën në një intervistë për “Tema Tv”:

Kallëzimi penal që biznesmeni Venigjer Begaj ka bërë për ish-drejtuesin e CEZ-it, Arben Seferaj, vendos në kushte të paqarta pushimin e hetimikt për serverin e tatimeve. Kjo pasi siç është bërë publike, biznesmeni Begaj ka deklaruar se në momentin e konstatimit të ndërhyrjes në servera, detyrimet e CEZ ndaj kompanisë së tij të matësave të energjisë, rezultonin të fshira. Mirëpo ky pretendim bie ndesh me përfudnimin hetimor të Prokurorisë, sipas së cilës nuka ka patuyr fshirje të të dhënave në serverin e tatimeve.

Ajo që pritej të ishte një vizitë që do t’i jepte kredenciale të reja, rezultoi ndryshe. Ilir Meta kthehet nga SHBA me zero rezultate, njësoj si kryeministri me të cilin bashkëqeveris, i cili ishte aty disa javë më parë e që deri më tani nuk është pritur në Washington. Arsyet e këtij qëndrimi të SHBA-së ndaj politikanëve kryesorë shqiptarë mund të jenë të shumta, por një është e padyshimtë: lidhja me krimin dhe fakti se ekipi që drejton vendin tonë prej 25 vjetësh duket se ka rënë dakord të marrë si rol ekonomik për Shqipërinë edhe plehrat e Europës, apo paratë e pista që mbeten.