Slideri Kryesor

BBC-ja njofton se disa prej godinave më të famshme në botë janë ndriçuar me ngjyrat e flamurit francez në shenjë solidariteti pas sulmeve në Paris. Sulmet janë një akt barbar dhe që duhet dënuar me ashpërsinë më të madhe, por ndërkohë që Siria dhe Iraku kanë parë llahtarën e përditshme të ardhur nga doktrina e “eksportimit të demokracisë”, asnjë shenjë solidariteti nuk është dukur në Europën që sot qan Parisin.

Gazeta më e madhe holandeze 'De Telegraaf' i ka kushtuar reportazhin kryesor azilkërkuesve shqiptarë. Në një artikull të gjatë të publikuar në dy faqjet të para të edicionit e të shtunës, gazetari Alexander Bakker denoncon ardhjen e shqiptarëve në Hollandë. Sipas De Telegraaf, në Gjermani ka një fluks shqiptarësh shumë herë më e lartë, por autoritetet holandeze kane zbuluarse një pjesë e azilkërkuesve shqiptarë të refuzuar nga Gjermania refuzojnë të kthehen në Shqipëri dhe i drejtohen më pas Holandës.

Pas ngjarjeve tragjike te ndodhura mbremjen e kaluar në Francë, Policia e Shtetit ka kaluar që prej oreve të mesnates ne gadishmeri te perforcuar.
Sherbime shtese policore jane vendosur në objekte qe konsiderohen me risk, siç janë ambjentet publike me frekuentim te lartë, pranë ambasadave apo rezidencave, akset kryesore rrugore etj.
Policia e Shtetit ka hartuar një plan te detajuar për evidentimin dhe mbikqyrjen e gjithë elementeve të dyshuar që mund të kenë tendenca për akte terrori.

Një nga komentet që ka tërhequr më shumë vëmendjen për ngjarjet në Francë ishte ai i Presidentit të Sirisë Bashar Ala Assad. Teksa ka shprehur ngushëllimet për familjet e viktimave nga aktet barbare të militantëve islamikë, presidenti i Sirisë ka deklaruar se ajo që ndodhi në Francë mbrëmjen e 13 Nëntorit po ndodh prej 5 vitesh në Siri. Agjencia "Armenpress" raporton se Assad i ka bërë këto deklarata gjatë një takimi me parlamentare francesë ku citohet të ketë thënë."Ajo që po ndodh në Siri për 5 vjet, ndodhi dje në Francë"-deklaroi Assad.

Images de la fusillade au Bataclan by lemondefr

Shteti Islamik ka goditur Europën me akte terroriste që kujtojnë 11 shtatorin amerikan të rrëzimit të Kullave Binjake. Triumfin e kësaj fitoreje xhihadistët e kanë festuar edhe në rrjetet sociale ku kanë paralajmëruar se radhën e kanë Roma, Londra e Uashingtoni.
«Pas Parisit vjen radha e Romës, Londrës dhe Uashingtonit"-thuhet në mesazhin e ISIS."Do ta kujtoni gjatë 14 Nëntorin. Nuk do ta harroni kurrë këtë ditë ashtu si 11 shtatorin".
Më tej në mesazh thuhet: "Franca dërgon avionë luftarakë në Siri duke bombarduar pleq e fëmijë. Sot po pi nga e njëjta gotë".

Hidhërim të thellë dhe shok në mbarë botën kanë shkaktuar aktet terroriste në Paris ku në 6 sulme mbetën të vdekur 153 persona.
Bilanc tragjik i një kasaphane që duket se ka si autor Shtetin Islamik që përmes një postimi kanë kanë marrë përsipër përgjegjësinë e sulmeve. është hera e parë që perëndimi goditet nga sulme kamikaze që tronditën jo vetëm Francën.

Pas sulmeve terroriste Franca është në gjendje shtetrrethimi dhe me urdhër të presidentit Holande kufijtë e saj janë mbyllur. Veç policisë në rrugë ka dalë edhe ushtria për të garantuar sigurinë. Ndonëse është ende herët që të nxirren përgjegjësitë, ajo që mund të thuhet se agjencitë franceze të inteligjencës kanë dështuar të parandalojnë një ngjarje të këtyre përmasave. Franca nuk ka mundur të parandojë një sulm të tillë, ndonëse ishte vendi më i kërcënuar nga terroristët, pasi një vit më parë redaksia e revistës satirike Sharli Hebdo u godit nga një akt terrorist.

Parisi është goditur sërish nga terrorizmi. Akte të njëpasnjëshme terroriste në kryeqytetin francez kanë lënë pas dhjetra viktima e të plagosur. Sulmet ndodhën në kohën që po luhej miqësorja Francë-Gjermani mbrëmjen e së premtes brenda një harku kohor prej pak minutash. Gjithçka ka qenë e kordinuar në mënyrë që aktet të ishin të njëkohshme.

Presidenti Olond, i cili ishte duke ndjekur takimin Francë-Gjermani është larguar nga tribuna i shoqëruar nga forca të shumta të sigurisë. Dyshimet janë se pas këtyre sulmeve qëndron Shteti Islamik.