Slideri Kryesor

Qeveria mund të rrëzohet edhe me vezë, por edhe me pak manovra në interenet. Studentët që protestuan para pak ditësh në Fakultetin e Shkencave kanë bërë jofunksionale faqen zyrtare të Ministrisë së Arsimit. Ëeb-i i një agjencie kaq të rëndësishme shtetërore që përfshihet edhe në institucionet e sigurisë kombëtare është hakeruar  lehtësisht nga studentët që gjetën një tjetër mënyrë për të protestuar kundër reformës në arsimin e lartë. Përveçse një formë e re proteste, çfarë ndodh nëse hakerohen kaq lehtësisht faqet e të gjitha agjencive shtetërore?

Kryeministri hodhi sot akuza të rënda ndaj mediave, duke mos i kursyer aforizmat për një punë të cilën thotë se di ta bëjë edhe vetë shumë mirë. I pyetur për incidentin e shefit të komisariatit numër 4 me gazetarë të televizionit ABC News, kryeministri nuk u ndal te rasti, por e analizoi atë në kuadër të bindjes që ai ka për median shqiptare dhe pronarët e saj:

Në konferencën e përbashkët për shtyp të FMN-së, Ministrisë së Financave dhe Bankës së Shqipërisë, ministri Cani deklaroi se, brenda këtij viti, do të përmbyllet shlyerja e 720 milionë dollarëve detyrime të prapambetura të qeverisë së mëparshme - një vit para afatit të parashikuar. Kjo gjë, tha ai, do të krijojë mundësinë që vitin tjetër të kemi suficit primar buxhetor.

“Vizion Plus” raporton se qeveria shqiptare ka arritur marrëveshjen për këstin e kredisë në shumën e 60 milionë eurove. “Si FMN ashtu edhe pala shqiptare kanë pranuar se kanë patur debate dhe përplasje në qëndrime për paketën fiskale dhe buxhetin e 2016-ës, por është vendosur të mos ketë rritje taksash, madje ministri Cani tha se po mendohet ulja e tyre ne sektorë si bujqësia, fasonët dhe turizmi. Buxheti i vitit që vjen, për herë të parë pas 4 vitesh do ta nxjerrë vendin nga marrja e borxhit për të shlyer detyrimet dhe për të paguar rrogat dhe pensionet.

Shoqata e të Afërmëve  të të Rënëve të Eposit  grek  i kërkon qeverisë shqiptare të lejojë mbledhjen e eshtrave  të të afërmëve të tyre që u vranë  gjatë luftës Italo-Greke  në vitet 1940 – 41 dhe varrimin  në Varrezat Ushtrarake, ashtu siç parashikon marrëveshja me qeverinë shqiptare.

“ABCNEWS” raporton sot se një grup xhirimi i këtij televizioni është sulmuar dhe dhunuar nga shefi i Komisariatit nr. 4 në Tiranë, Fatmir Lleshi. Po sipas këtij televizioni një operator është shoqëruar në mjediset e këtij komisariati. Në faqen e televizionit thuhet se “ngjarja ka ndodhur sot në drekë ndërsa grupi i xhirimit të “ABC NEWS” ka qenë duke përgatitur një kronikë në një rrugë pranë këtij komisariati, kronikë që nuk kishte objekt të saj policinë”.

Avokati i Popullit i ka dërguar disa mendime dhe sugjerime Komisionit për Çështjet Ligjore, Administratën Publike dhe të Drejtat e Njeriut, mbi projektligjin për ashpërsimin e penaliteteve për biznesin.
Në ndryshimet e dispozitave aktuale të Kodit Penal duket qartë një ashpërsim lidhur me llojet e dënimit dhe masat e dënimit me burgim, faktit që sipas Avokatit të Popullit nuk përbën shqetësim masa e butë e dënimit për veprat penale, por moszbatimi i ligjeve nga strukturat ligjzbatuese.

Kryeministri grek, Aleksis Tsipras do të ndodhet në Turqi javën e ardhshme, duke qenë lideri i parë europian që viziton vendin pas fitores së zgjedhjeve nga partia e kryeministrit Davutoglu.
Sipas burimeve të shtypit grek, Davutoglu ka sugjeruar që dy kryeministrat të ndjekin së bashku miqësoren e futbollit Turqi-Greqi, të martën më 17 nëntor dhe pastaj të kalohet në takimet zyrtare.
Nuk dihet se cila ka qenë përgjigjja e zotit Tsipras, ashtu siç mbetet ende e panjohur nëse kryeministri grek do të takohet edhe me presidentin Erdogan.

Ministri i Financave, Shkëlqim Cani, ka deklaruar gjatë një konference për shtyp sot, se Eurobondi do të lehtësojë situatën ekonomike e financiare. “Marrja e eurobondit bëhet për 2 qëllime. Së pari të zëvendësojë eurobondin e vjetër të vitit 2010 prej 300 milionë euro. Së dyti shuma e mbetur prej 150 milionë euro është e mjaftueshme, që ne të tërhiqemi nga tregu i brendshëm. Cani tha se kjo bëhet në mënyrë që të lihet hapësirë për biznesin, që të mund të marrë huanë e nevojshme.

Në mungesë të kreditimit të ekonomisë dhe investimit në letra me vlerë të qeverisë, bankat po preferojnë të vendosin paratë në institucionet jashtë vendit, edhe pse me interesa ndëshkuese…
Totali i aktiveve të sistemit bankar arriti në 1.32 trilionë lekë në fund të 9-mujorit 2015, duke shënuar një rritje me 2.4%, apo me 31 miliardë lekë, në krahasim me dhjetorin 2014, sipas statistikave të publikuara nga Banka e Shqipërisë. Me bazë vjetore, (T III 2015/ T III 2014) aktivet e sistemit janë rritur me 4.1%.