Slideri Kryesor

Opozita serbe ka protestuar dje në Beograd duke tentuar të konfrontohet me autoritetet. Aktualisht, Beogradi zyrtar përballet me akuza për manipulim elektoral edhe parregullsi në zgjedhje, sidomos në kryeqytet, artikuluar edhe nga vëzhgues të BE-së. 

Presidenti Aleksander Vuçiç i ka hedhur poshtë akuzat si gënjeshtra. Protesta mbërriti në mënyrë simbolike në dyert e Kuvendit, me Srdjan Milivojeviç dhe Vladimir Obradoviç, të Serbia Kundër Dhunës, që tentuan t’i hapnin ato. 

Pas mbylljes së televizionit shtetëror, kryeministri polak, Donald Tusk, ndodhet tashmë në një konflikt të hapur me presidentin Andrzej Duda. Ligji i propozuar prej tij për shpenzimet publike është kundërshtuar nga Presidenti që i përket partisë humbëse, Ligj dhe Drejtësi, dhe për më tepër, ai ka njoftuar se do të propozojë një draft të ri. 

Inteligjenca artificiale i vjen në ndihmë mjekësisë. Antibiotiku i parë i gjetur në 60 nvitet e fundit është falë saj. Ilaçi mund të trajtojë një bakter që aktualisht është rezistent ndaj ilaçeve.

Antibiotiku në fjalë vë në shënjestër bakterin Staphylococcus aureus, i cili mund të shkaktojë infeksione të lëkurës.

Në raste më serioze, bakteri mund të shkaktojë sëmundje potencialisht kërcënuese për jetën, si pneumonia.

Një shekull i racizmit të zakonshëm kundër latino-amerikanëve në Amerikën e Veriut, nga të shtënat e dikurshme kundër emigrantëve italianë e deri te të sotmet kundër meksikanëve dhe amerikano-jugorëve "Të shporren këta latino-amerikanë të tmerrshëm që na infektojnë racën, na dobësojnë gjakun e na zbehin dritën". “Po helmojnë gjakun e vendit tonë!”

Mira Pirdeni, aktiviste e moshimit në një lidhje me skype për edicionin e lajmeve në MCN TV tha se Shqipëria është prekur rëndë nga plakja e menjëhershme e popullsisë. Pirdeni vuri në dukje mungesën e fondeve në pushtetin lokal për të mbështetur të moshuarit. Ajo tha se nuk beson te Censi i popullsisë i kryer nga qeveria, duke shtuar se kemi mungesë ekspertësh dhe mungesë burimesh njerëzore për analizimin e të dhënave. Pirdeni tha se në Shqipëri mungojnë komunitetet, shërbimet komunitare, të cilat janë kthyer në prioritare në vendet e zhvilluara, sidomos pas pandemisë. 

Petrit Vasili i Partisë së Lirisë deklaronte sot se 30% e bashkive në vend po zhduken dhe shkretohen. Shtesa natyrore është negative në 82% të bashkive duke nisur që nga viti 2021 dhe sipas Vasilit “asgjësimi real i vendit është tek pragu i derës”. Është një lloj politike apokaliptike kjo që në të vërtetë lidhet me shifrat në terren. Ikja masive e njerëzve tashmë është problem real dhe këtë i fundit që e pranoi është ai që qeveris.

Sa duan të ikin? Shumë. Sa duan të jetojnë këtu? Ata që nuk mundet të ikin.

Është shfaqur në podcastin e Edi Ramës, imzot Arjan Dodaj, kryeipeshkëv i kryedioqezës së Tiranë-Durrësit.

Nëpër bisedën e zhvilluar, Dodaj dëgjohet të thotë se “Zoti është Dashuri”, se mënyra më e mirë për të sjellë paqen në këtë botë është ai që Papa Françesco e quan “revolucion i butësisë” për të ardhur mandej te roli i misionarit që i përcjell dashuri dhe përkujdesje “atyre që Zoti na ka besuar”, pra besimtarëve të cilëve u “lajmë këmbët”.

Autoritetet ruse parashikojnë rekrutimin e rreth 400 mijë njerëzve të rinj në vitin 2024 të cilët do të hidhen në frontin ukrainas.

Meta ka censuruar materialet pro Palestinës që nga nisja e luftës në Gaza. Një raport i Human Rights Watch flet për censurë sistemike dhe globale të çdo materiali të tillë, madje edhe për mbyllje dhe ndalim të aksesit të Facebook dhe Instagram.

Në datën 18 dhjetor të këtij viti, Gjykata Kushtetuese e Shqipërisë u shpreh mbi një kërkesë për kontroll kushtetueshmërie të Protokollit të 6 nëntorit 2023, mes qeverisë së Shqipërisë dhe qeverisë së Italisë për migracionin. Kërkesa e dorëzuar ishte autorizuar nga Partia Demokratike e Shqipërisë. Në njoftimin e vet Gjykata Kushtetuese ka sqaruar se: