Slideri Kryesor

Qeveria shqiptare parashikon të rrisë me 5 për qind numrin e zyrtarëve të arrestuar, të cilët janë të përfshirë në vepra korruptive në 2016. Kjo shifër është vendosur në planin e masave për 5 prioritetet e integrimit, një ndër të cilat është lufta kundër korrupsionit.

Në këtë strategji të qeverisë, e diskutuar dje në Këshillin Kombëtar të Integrimit Europian thuhet se për realizimin e prioritetit të tretë të vendosur nga Komisioni Europian, qeveria do të rrisë me 5% numrin e zyrtarëve të të gjitha niveleve që do të referohen në Prokurori për përfshirje në korrupsion.

Marrëdhëniet shqiptaro-greke duket se janë në një pikë kthese, pasi palët po angazhohen për të zgjidhur disa çështje që kanë mbajtur pezull raportet mes dy vendeve. Sekretari i Përgjithshëm i Ministrisë së Jashtme të Shqipërisë, Qirjako Qirko deklaroi gjatë një raportimi në Komisionin e Jashtëm Parlamentar se me Athinën zyrtare po kryhen bisedime për heqjen e ligjit të luftës i vendosur që në vitin 1940.

Motivacioni zyrtar vetëkuptohet: Qyfyro-fjalimi i para disa ditëve

Bursa reagon drejt, ose rend sipas llogarive për fitim. Dhe një emër me të cilin fiton, apo rrit kredencialin është edhe George Soros. Këtë fat e ka patur edhe “Ferrari” , kompania e njohur e automobilave luksozë, aksionet e së cilës janë rritur sapo në listën e aksionerëve është shfaqur emri i miliarderit në fjalë. “Në fund të vitit që shkoi  “Soros Fund Management LLC” bleu 850,000 aksione të “Ferrari”...Kjo e bën Soros një nga investitorët kryesorë te “Ferrari”, vlera e të cilit kishte rënë me 30% që nga hapja e ofertave në muajit tetor”, raporton “Bloomberg”.

Lulzim Basha, që ka dy vjet në detyrën e kryetarit të Partisë Demokratike, ka folur sot në mbledhjen e Grupit Parlamentar për ndryshimet e fundit në qeveri. Opozita parlamentare, është ndër të tjera edhe një mundësi transparence, informimi e publikut, pasi me statusin dhe të drejtat që ka, ajo ka mundësi të informohet mbi disa zhvillime, për të cilat opinioni nuk mundet dhe detyrohet mandej t’u besojë spekulimeve mediatike, apo lajmeve gazetareske, që jo rrallë çalojnë.

Lojë apo shqetësim i vërtetë nga Donald Trump? Mediat amerikane, disa prej tyre të paktën, i kanë përfshirë të dy skenarët si të mundshëm; para disa javësh u fol se Trump ishte njeri i demokratëve në fushatë që synon te rrënimin e fushatës republikane. Por sot, presidenti aktual, Barack Obama, ka dalë me një qëndrim që e konsideron Trump një zgjedhje të pamundur, pasi amerikanët janë të zgjuar. “Ata e dinë se të jesh president është një punë serioze. Nuk është si të drejtosh një talk show, apo reality show, nuk është marketing.

Gjatë prezantimit të draft-rezolutës për Shqipërinë në komisionin e punëve të jashtme të Parlamentit Europian  eurodeputeti Knut Fleckenstein  kërkoi nga Komisioni Europian të monitorojë zbatimin e ligjit të dekriminalizimit dhe reformës në drejtësi. Ai tha se zbatimi i reformave në Shqipëri nuk ka qenë në nivelin e dëshiruar dhe se reforma në drejtësi që pritet të aprovohet nga qeveria dhe opozita me ndihmën e Komisionit të Venecias dhe Këshillit të Europës do të monirotohet nga Komisioni Europian.

Ashtu siç kishte paralajmëruar Partia Demokratike kallëzoi spenalisht kryetarin e Bashkisë së Tiranës, për ndërtimin brenda Parkut të Liqenit të Tiranës. Objekt i kallëzimit është shpërdorimi i detyrës dhe ndërtimi i paligjshëm. Partia Demokratike thotë se ndërtimi po bëhet, në një zonë e cila është kategorikisht e mbrojtur me ligj nga ndërhyrjet, siç është Parku i liqenit të Tiranës.  Sipas përfaqësuesve të opozitës te liqeni bëhet për interesa të pastra korruptive dhe klienteliste të kryebashkiakut të Tiranës.

Deputetë të opozitës kanë nisur denoncojnë nga terreni problemet që kanë zona të ndryshme të vendit, duke folur për një Shqipëri të degraduar dhe të rrënuar. Ata e lidhin këtë situatë me keqqeverisjen që u është bërë shqiptarëve në këto 2 vjet, a thua se para dy vitesh lanë një Shqipëri të lulëzuar e të begatuar.

Në një përpjkekje për të prezantuar një fytyrë tjetër të policisë, Ministria e Brendshme shpërndan pothuajse çdo ditë video të regjistruara nga kamerat e pilotimit që tregojnë sesi operon policia gjatë kontrolleve në rrugë ose me qytetarët që shkelin rregullat e qarkullimit. Në fakt qëllimi i vendosjes së kamerave të pilotimit në uniformat e policisë, nuk ishte argëtimi i opinionit me video të kësaj natyre, por evidentimi i rasteve kur punonjës të policisë shkelin ligjin apo veprojnë në kundërshtim me rregullat.