Slideri Kryesor

Në asamblenë e Partisë Socialiste nuk priteshin supriza sepse transfuzioni i gjakut të ri me atë të vjetrin u konfirmua në kongres, por ajo që shenjoi forumin e lartë të PS ishte thyerja e heshtjes dhe akti politik i Arta Dades për të motivuar largimin nga kryesia me mënyrën e drejtimit nga "karafili" i partisë siç e quajti Rama veten para kongesit.

Kisha Katolike në Shqipëri njoftoi të enjten se 38 martirë të fesë të kohës së komunizmit do të lumturohen në Romë këtë vit. Martirët u ekzekutuan ose vdiqën në burgje gjatë periudhës mes vitit 1944 dhe 1969, kur regjimi komunist i Hoxhës nisi një fushatë dhune kundër opozitarëve të mundshëm, duke përndjekur në shkallë të gjerë udhëheqësit katolikë, një pjesë e madhe e të cilëve, humbën jetën në burgje ose u ekzekutuan, por nuk e braktisën besimin e vet. Shumica janë priftërinj katolikë, por mes tyre është edhe Maria Tuzi, një murgeshë e cila humbi jetën në tortura kur qe vetëm 20 vjeç.

Në nisje të punimeve të Asamblesë Kombëtare të Partisë Socialiste, kryeministri Edi Rama i konfirmuar në referendum si kryetar legjitimi i partisë që ka fituar zgjedhjet dha një vlerësim mbi pritshmëritë ekonomike, duke vendosur dhe një objektiv që qeverinë e gjen të kënaqur, por që në terma praktikë nuk pritet të ketë ndonjë efekt në rritjen e mirëqënies për qytetarët. "Sot planifikojmë një rritje ekonomike 3.4 për qind, por mjafton të jemi mbi treshin”, ka shtuar shefi i qeverisë, duke qenë statistikisht në rregull me çfarë i komunikohet nga Ministria e Financave.

Pas rishikimit të marrëveshjes konçesionare me gjermanët e TIA-s, i është hapur rruga funksionalizimit të aeroportit të dytë civil në Shqipëri, atij të Kuësit. Ende nuk ka një emër të zyrtarizuar për investitorin që do ta marrë përsipër menaxhimin e aeroportit, por bëhet me dije se të paktën dy kompani të huaja kanë shprehur interes, Ryan Air dhe ëizz Air. “Ne po presim ofertat nga investitorët që duan ta marrin në menaxhim. Një ofertë ka ardhur nga kompania hungareze ëizz Air, e cila përpos kërkesës së shkruar ka bërë edhe inspektimin e aeroportit gjatë këtyre ditëve.

Kur politikanët amerikanë vendosin të ndërthurin politikën me simbolizmin krijojnë  dhe shfaqje të klasit botëror. Kjo ka ndodhur në selinë e OKB-së në Nju Jork, ku përfaqësues nga 175 vende nënshkruan zyrtarisht marrëveshjen për Klimën që u  arrit vitin e kaluar në Paris.

Marco Casamonti, i cili i prezantua si arkitekti i kompanisë “Archea” që projektoi stadiumin e ri kombëtar të Shqipërisë rezulton i arrestuar në Itali për korrupsion në vitin 2008. La Repubblica shkruante në atë kohë se nga hetimet e zhvilluara prej prokurorit Giuseppe Quattrochi, u zbulua implikimi i arkitektit Marco Casamonti në një tender 98 mijë eurosh për rikonstruksionin e një ndërtese në komunën Terranova Braçiolini.

Pak ditë më parë ministri i Ekonomisë Arben Ahmetaj, ia faturoi medias interpretimet keqdashëse për ekonominë shqiptare, duke deklaruar se ana tjetër e medaljes që mediat nuk duan ta shohin është rritja e investimeve të huaja në ekonomi dhe përmirësimi i klimës së biznesit. Sot Shoqata e Investitorëve të Huaj publikoi indeksin e klimës së biznesit, i cili ka vijuar rënien në të katërt 3- mujorët e 2015-s.

Një sondazh i Institutit Demokratik Amerikan, zhvilluar në terren nga Instituti për Demokraci e Ndërmjetsim tregon se vetëm 25.4% e të anketuarve janë të kënaqur me punën e qeverisë. Nga ana tjetër, vetëm 13.8% janë të kënaqur me punën e opozitës. Të përkthyera në numër banorësh në moshë për të votuar, këto shifra tregojnë se vetëm 560 mijë prej tyre janë kënaqur me punën e qeverisë (nga 1 milion që votuan për të para 3 vjetësh), dhe vetëm 305 mijë janë të kënaqur me punën e opozitës (nga 680 mijë që votuan per të para 3 vjetësh).

Qeveria nuk pranoi asnjëherë se ndryshimi i tarifave të energjisë ishte praktikisht rritje e çmimit dhe nxori si argument çmimin e mesatarizuar. Nga 1 janari i vitit 2015 të gjithë konsumatorët familjarë e kanë paguar energjinë me 9.5 lekë për kilovat në orë. Më parë çmimi i energjisë për familjarët ishte përshkallëzuar në dy fasha, ku 300 kilovatët e parë paguheshin me 7.7 lekë, ndërsa sasia sipër këtij niveli me 12.5 lekë.

Xhelal Mziu, kryetar i Bashkisë së Kamzës, ishte një prej degëve ku mbahej Partia Socialiste për të proporcionalizuar kriminalizimin e saj në raport me opozitën e Partisë Demokratike. Për socialistët kryebashkiaku i Kamzës ishte shembulli pse Lulzim Basha nuk mund të dilte i palagur nga kauza e dekriminalizimit. Megjithëse në proces gjyqësor, politika nuk hezitoi të shkelë parimin e  prezumimit të pafajësisë deri në vendimin e Gjykatës. Një prej shkallëve të Gjyqësorit, Apeli i Tiranës e ka shpallur të pafajshëm kryebashkiakun e Kamzës dhe ka urdhëruar pushimin e çështjes penale ndaj tij.