Slideri Kryesor

Fitorja e Alexander Vuçiç në zgjedhjet e fundit parlamentare ka vënë në lëvizje Rusinë e cila e shikon vendin ballkanik si shpresën e një kufiri gjeopolitik mes Lindjes dhe Perëndimit. Kjo është një ide që gjen përkrahje të gjerë përderisa për të ka folur edhe kryetari i Komisionit të Zgjedhjeve të Rusisë, Vitaly Likhachev, i cili ndodhet në një vizitë pune në Beograd.

Para disa ditësh një qytetar shtiu me armë mbi një qen që i kishte kafshuar një të afërm. Që këtej doli në sipërfaqe shqetësimi i kafshëve që lëvizin pa maska mbrojtëse në Tiranë sidomos, me të zotët që u rendin nga pas të lumtur, pa pyetur për fëmijë apo njerëz të tjerë që detyrohen të ruhen. Dhe kjo lloj sjelljeje do të sillte patjetër një ngjarje të tillë, njësoj si mund të sjellë në të ardhmen, për sa kohë që dikush mund të shohë fëmijën që ia kafshon një qen që mbahet lëshuar. Mirëpo në Shqipëri ka një ligj që e rregullon këtë punë.

Po shkohet drejt një bote politike me natyrë përherë e më shumë policore. Aparati represiv i shteteve kryesore po njeh financime të mëdha, tashmë jo vetëm në përmbushje të objektivave ushtarakë, apo të Politikës së Jashtme, por edhe në funksion të përmbajtjes, kontrollit dhe dominimit të tensioneve sociale që sa vijnë e bëhen problematike. Një raport i realizuar nga “sandlerresearch.org” jep disa vlerësime për atë që quhet Tregu i Sistemit të Kontrollit të Protestës Globale, që për periudhën 2016-2020, mendohet të rritet me 5.3%.

Mbifaturimet nga OSSHE është një problematikë me të cilën po përballen qytetarët në disa qytete të vendit. Në sportelet e "Kujdesit ndaj Klientit"  në Lezhë adresohen çdo dite dhjetëra ankesa dhe sipas raportimeve,OSHEE ka vështirësi për dhënien e përgjigjeve. "Qytetarët thonë së kanë kontaktuar me faturistët, të cilët u kanë deklaruar se në skedarët e tyre kanë të regjistruar numrat realë të sahateve, por ato janë ndryshuar në qendër duke sjellë për pasojë mbifaturimet", raporton korrespondenti i "ABC News" në Lezhë.

Partia Demokratike akuzoi kryeministrin se ishte në dijeni të kërcënimit të rektorit Dhori Kule nga Emiljano Shullazi, bzuar në dëshmitë që Kule ka dhënë në Prokurori. Në deklaratën e bërë nga deputeti Oerd Bylykbashi bëhet edhe një analogji me rastin Durim Bami, i cili u dërgua në zyrën e ministrit të Brendshëm, Sajmir Tahiri pas shqetësimeve të ngritura nga Tom Doshi.

30 vjet më parë rreth 200 të punësuar në stacionin bërthamor në Çernobil u bënë dëshmitarë të një prej katastrofave më të madha bërthamore në histori. Gjatë një eksperimenti për të kontrolluar sistemin e sigurisë shpërtheu reaktori nr. 4 i centralit bërthamor që ndodhet në territorin e Ukrainës. Emri i stacionit bërtamor u bë kështu sinonim i katastrofave bërthamore në të gjithë botën.

Zbardhet deklarimi i pasurisë së Kryeministrit Edi Rama dhe familjes së tij për vitin 2015. Sipas të dhënave të publikuara nga “Open Data Albania”, mësohet se vila e Kryeministrit Rama në fshatin e Surrelit, në komunën Dajt është deklaruar me një vlerë prej 39,607,741 lekësh ose rreth 395 mijë dollarë.

Për një realitet që shumë shpejt të gjithë qytetarët e BE-së do të perceptojnë foli në Parlamentin Europian nga Cohen Guinness, ministri i Drejtësisë i Belgjikës,  i cili ka shprehur shqetësimin e fortë se në një kohë të shkurtër, numri i muslimanëve në Evropë do të ketë kapërcyer të krishterët. "Kontinenti nuk e kupton tani, por ky është realiteti", tha një ditë më parë ministri  belg i Drejtësisë duke theksuar se "shumë shpejt" në Evropë do të ketë më shumë myslimanë nga atë krishterët dhe kjo kryesisht për shkak të faktit se të krishterët janë më pak aktive sot.

Deklaratë e ministrit britanik të Drejtësisë, Michael Gove se Britania e Madhe mund të marrë modelin e Shqipërisë për sa i përket tregtisë nëse del nga BE ka nxitur reagimin e kryeministrit Rama. Në një prononcim për mediat britanike, Rama nuk mendon se Shqipëria është një model që duhet ndjekur nga Britania.

Ishte një nga autorët e masakrës së 13 Nëntorit në Paris. Brahim Abdeslam hodhi veten në erë në Cafe-Restorant “Comptoir Voltaire”. 31 vjeçari, pjesë e celulës xhihadiste që ndërmori sulmin vetëvrasës kishte hyrë në Francë nga Belgjika dhe sipas planit në orën 9:40 minuta të mbrëmjes u fut në restorant. Një video e bërë publike për herë të parë nga kamerat e sigurisë së lokalit tregon momentin kur Abdeslam i afrohet kokëulur një tavoline të lirë dhe më pas aktivizon brezin shpërthyes. Fatmirësisht asnjë prej klientëve të lokalit nuk gjeti vdekjen.