Slideri Kryesor

Kryesia e Partise Socialiste e mbledhur të hënën pasdite ka marrë vendim për t’i propozuar Asamblese Kombëtare përjashtimin nga të gjitha funksionet për ish-deputetin, Koço Kokedhima.Aktualisht Kokedhima mban postin e sekretarit për reformën strukturore dhe emigracionin por prej heqjes se mandatit të deputetit nga Gjykata Kushtetuese Kokedhima nuk merrte pjesë në asnjë nga mbledhjet e forumeve socialiste.

Rendi i ditës në komisionin e shëndetësisë ditën e hënë pa dy seanca dëgjimore, përkatësisht një me shoqatën e teknikëve të mjeksisë laboratorike, si dhe një me Ministrin e Shëndetësisë Ilir Beqja, lidhur me të ardhmen e sistemit laboratorik publik nën dritën e partneritetit publik-privat.

Sot u rishfaq me tone të forta ambasadori I SHBA-së në Tiranë, Donald Lu. Çështja e ligjit të Vettingut, përkthimit problematik të tij, duket se ka nervozuar selitë diplomatike kryesore, që gjenden nën akuzën se janë të njëanshme. Por më shumë sesa ky moment, Lu është dëshmuar I nervozuar nga ndjekja e rrugës proceduriale kushtetuese nga PD-ja dhe grupet e interesit, që po ankimojnë në Gjykatën Kushtetuese një seri ligjesh. Në një optikë politike kjo do të thotë fitim I kohës dhe bllokim I zbatimit të ndryshimeve të reja përpara zgjedhjeve.

Kur kanë kaluar më shumë se dy javë nga telefonata mes kryeministrit Rama dhe homologut të tij grek Aleksis Tsipras, gazeta "Kathimerini" ka zbardhur përmbajtjen dhe klimën e acaruar të bisedës mes tyre. Sipas saj, mesdita e 22 Nëntorit ka qenë jo pak nervoze për kryeministrin grek pas telefonatës me homologun shqiptar.

Carlo Bollino – gazetar dhe kurator I përgjithshëm i Bunk’Art 2 – del sot në gazetën e tij, “shqiptarja.com” me një opinion titulluar: “Kush ka frikë nga Bunk'Art dhe nga kujtimi i krimeve komuniste”,  përmes të cilit bën një mbrojtje të projektit, por edhe gjuan në distancë ndaj ish-kryeministrit Sali Berisha. Në parantezë duhet thënë se ky simetrizim artificial që vërehet shpesh kur për çdo kritikë apo akuzë, Berisha kërkon një socialist dhe e anasjellta, pra kur për çdo të keqe publike, dikush kërkon patjetër përgjegjësinë e Berishës që të bëjë kauzë, e bën artificial diskutimin.

Ministri i jashtëm grek, Nikos Kotzias, ka folur edhe një herë për marrëdhëniet me Shqipërinë. Gjatë një takimi me homologun gjerman, Frank ëalter Steinmeier në Athinë, Kotzias iu është referuar përpjekjeve për zgjidhjen e problemeve të mbartura nga e kaluara me fqinjët, “sa më mirë dhe në mënyrë sa më produktive”, siç tha. Duke folur për marrëdhëniet me Shqipërinë, Kotzias tha se kohët e fundit po bëhet një punë sistematike në drejtim të zgjidhjes së problemeve. Në këtë kuadër, shefi i diplomacisë greke vërejti se ka patur “trajtime të papërshtatshme edhe nga ana e Komisionit Europian”.

Analistët kanë frikë se "Jo-ja" e referendumit do ta çojë Italinë në një paqëndrueshmëri politike me pasojë falimentimin e disa bankave dhe efektin domino në Spanjë, Gjermani dhe Francë, duke paralizuar praktikisht tërë sistemin bankar evropian.

Shumë prej bankave italiane janë rrënuar nga kreditë e këqija dhe kanë nevojë emergjente për rikapitalizim. Bashkimi Evropian kërkoi para disa muajsh nga kryeministri Renzi të ndiqte pak a shumë të njëjtën rrugë që ndoqi Greqia, metodën e "qethjes" së depozitave në bankat italiane.

Matteo Renzi ka njoftuar dorëheqjen nga detyra e kryeministrit të Italisë. Siç kishte bërë të ditur për mediat, ai doli në një konferencë për shtyp dhe në dritën e rezultatit të referendumit për reformën kushtetuese, deklaroi largimin.

“Populli italian ka folur në mënyrë të qartë”, tha Renzi duke shtuar se reforma synonte ndryshimin e elitave në një vend ku siç u shpreh ai “politikanët janë përherë të njëjtët njerëz”.

“Nuk ia dolëm kështu që karrigia që bie është ajo e imja. Përvoja ime me qeverisjen përfundon këtu”, tha Renzi ndër të tjera.

Në referendumin e inicuar nga kryeministri italian, Matteo Renzi, vetëm 41% votuan pro propozimit të tij për ta ndryshuar sistemin elektoral, në mënyrë të tillë që partia që merr më shumë vota të ketë mundësinë të qeverisë e vetme ose në koalicion me ndonjë parti të vogël. Kundër këtij propozimi bënë fushatë parti të djathta, të ekstremit të majtë, të ekstremit të djathtë dhe anarkistët e 5 yjeve.

Votuesit italianë duket se i kanë thënë “jo” ndryshimeve kushtetuese të propozuara nga e majta në fuqi. Të dhënat e deritanishme flasin për një kundërshtim të qartë të reformës së propozuar, duke paralajmëruar largimin e Matteo Renzit nga detyra e kryeminstrit. Rezultati merr më shumë vlerë nisur nga pjesëmarrja jo e vogël, 68%, çka do të thotë se nevoja për të thënë një fjalë në vendime kaq të rëndësishme po sfidon indiferencën e deritanishme ndaj politikës.