Blloku Shkenca

Në raportimet ditore për ecurinë e pandemisë është vënë re shpesh një lidhje e drejtpërdrejtë e rasteve të vdekjeve nga Covid-19 me obezitetin. Përgjatë javëve të fundit, kjo lidhje ka ardhur duke u vendosur gjithnjë e më shumë në fokus, pasi studime të kryera në shkallë të gjerë e kanë konfirmuar plotësisht këtë lidhje dhe kanë demonstruar se edhe njerëzit që janë thjesht mbipeshë janë më të rrezikuar nga koronavirusi.

Koronavirusi mund të ndikojë në funksionin e pankreasit duke favorizuar zhvillimin e diabetit: kjo sugjerohet nga rasti i një pacienti të ri me infeksion asimptomatik SARS-CoV-2, i cili u sëmur me diabet autoimun (diabeti 1) në të njëjtën kohë kur u infektua. Rasti në fjalë është pasqyruar në revistën “Nature Metabolism” nga Matthias Laudes i Universitetit Schleswig-Holstein të Kiel, Gjermani.

Konsumi i tepërt i fruktozës - një ëmbëlsues i përdorur gjerësisht në dietën amerikane - mund të çojë në sëmundje të mëlçisë. NAFLD (dëmtimi jooalkolik yndyror i mëlçisë), është një sëmundje relativisht e përhapur në Shtetet e Bashkuara. Por në kundërshtim me atë që dihej deri tani, studiuesit e Universitetit të Kalifornisë, San Diego School of Medicine, raportojnë se fruktoza ndikon negativisht në mëlçi pasi të arrijë në zorrë, ku sheqeri prish pengesën epiteliale duke mbrojtur organet e brendshme nga toksinat bakteriale në zorrë.

Një grua 66 vjeçare nga Kalifornia e SHBA, mund të jetë personi i parë në botë që të jetë shëruar nga HIV pa ndjekur ndonjë kurë apo pa kryer transplant palce. Në një studim që ka marrë në shqyrtim 63 persona që kanë provuar se trupi i tyre e kontrollon virusin pa e lejuar të riprodhohet, rezulton se Loreen Willenberg është shëruar tërësisht. Përveç saj, janë edhe dy persona të tjerë që janë deklaruar të shëruar nga HIV, Adam Castillejo në Londër dhe Timothy Brown nga Palm Cprings. Por të dy iu nënshtruan transplantit të palcës që konsiderohet procedurë shumë e rrezikshme.

Kanceri duket se është i asociuar me jetën në planetin tonë. Ose të paktën me jetën e gjallesave komplekse. Një publikim në revistën “The Lancet” vë në dukje një gjetje të rrallë në shkëmbinjtë e Albertës në Kanada, e cila konsiston në një kockë të fosilizuar dinosaur që ekzaminohet se ka qenë i prekur nga kanceri.

Që nga viti 1994 Toka ka humbur 28 trilionë tonë akull. Kjo shifër është përllogaritur nga shkencëtarët britanikë që kanë analizuar të dhëna satelitore të mbledhura duke vëzhguar polet, malet dhe akullnajat. Sipas tyre shkrirja në masë e akujve për shkak të ngrohjes globale mund të çojë në rritjen e nivelit të detit me 1 m deri në fund të këtij shekulli.

Për ta kuptuar, çdo cm e rritjes së nivelit të detit do të thotë se rreth 1 milionë njerëz do të zhvendosen nga shtëpitë e tyre

Agjencia amerikane e hapësirës, NASA, ka përllogaritur se një asteroid që pritet të kalojë pranë Tokës në fillim të muajit nëntor, ka 0.41% shanse të godasë planetin. Objekti i njohur si 2018VP1, parashikohet të kalojë pranë Tokës më 2 nëntor 2020 dhe sipas trajektores së gjurmuar ekzistojnë tre mundësi përplasjeje.

Objekti është 0.002 km në diametër.

Kërkues të universitetit Austin në Teksas të SHBA kanë vëzhguar në praktikë mënyrën sesi disa koloni bakteresh arrijnë të rezistojnë ndaj antibiotikëve. Ideja se bakteret vdesin për të shpëtuar tufën – nëse mund të shprehemi kështu – është hedhur herët, një dekadë më parë, por vetëm tani kjo verifikohet tërësisht.

Rrezet kozmike të emetuara nga shpërthimi i një supernove(yje masivë të quajtur xhuxh i bardhë që janë në fazën e fundit të evolucionit të tyre dhe që përshpejtojnë fuzionin bërthamor) mund të jenë përgjegjëse për të paktën një zhdukje masive në Tokë. Ky është përfundimi i një studimi të udhëhequr nga profesori Brian Field nga universiteti i Ilinoisit që sugjeron se shpërthimet kozmike mund të kenë shkaktuar zhdukjen në masë 359 milionë vjet më parë, mes periudhave Devoniane dhe asaj Karbonifere.

Era karakteristike e shiut nuk vjen thjesht nga toka e lagur. Sipas një studimi të fundit era që pason menjëherë shiun vjen nga bakteret që e emetojnë atë për të tërhequr insektet. Që në vitet ’60 janë bërë studime për këtë dukuri që lidhet me shiun dhe era e tokës së sapolagur nga shiu quhet geosmin, por vetëm tani është dhënë shpjegimi për burimin e saj.