Blloku Politikë

Gazeta “Panorama” shkruan sot se palët e përfshira në garën për drejtimin e Partisë Demokratike janë në negociata për rregullat e lojës. Sipas kësaj gazete, sekretari i Përgjithshëm, Arben Ristani është caktuar si ndërmjetës, apo negociator, mes Lulzim Bashës, kryetar i ngrirë dhe kandidat dhe Astrit Patozit, rivali kryesor përballë tij. Synimi i kësaj negociate është që të vendosen rregulla të qarta dhe të gjithëpranuara, meqenëse deri më tani ka patur kritika dhe dyshime për atë që po ndodh me procesin e hapur nga dy nënkryetarët.

Para disa kohësh në një portal afër qeverisë doli një lajm- koment, që e lidhte Lulzim Bashën me lobin grek. Madje duke bërë disa raportime si të ndonjë rezidenti në qytetet kufitare në kohën e luftës së ftohtë, ku edhe kalimi i televizorit në kanale të huaja, shikohej si prirje subversive. 

Në garën për për kryetar të Partisë Demokratike kandidojnë tashmë 4 kandidatë. Lulzim Basha, që ka hapur procedura antistaturore, Eduard Selami, Erjon Piciri dhe së fundmi edhe Astrit Patozi. 
Ky  i fundit duket se përfaqëson grupin e demokratëve që kërkojnë dorëheqjen e Bashës dhe që sot ka shpërndarë një deklaratë përmes së cilës kërkon mbledhjen e kryesisë dhe futjen e procesit në shina statutore. Vetë Patozi paraqiti ndër të tjera disa kërkesa që sipas tij rrjedhin nga nevoja e normalizmit të situatës në parti dhe kthimin e besimit. 

Raporti paraprak, i publikuar së fundmi në faqen zyrtare të OSBE-së, vëren se në të paktën 5 për qind të vrojtimeve të saj, rreth 5 për qind e firmave të hedhura në listat me emrat e votuesve dukej se qenë hedhur nga e njëjta dorë.Prania e vëzhguesve partiakë, shpesh të paautorizuar në qendra votimi ka qe shumë e lartë dhe shumë pranë kutive të votimit, duke ekspozuar zgjedhjen e votuesve.

Presidenti në ikje, Bujar Nishani thotë se dyshimet për blerje të zgjedhjeve nuk janë hamendje, por se ka prova zyrtare për ndikimin që ky fenomen ka patur në rezultatin e zgjedhjeve të 25 qershorit. Një deklaratë e tillë mund t’i vijë në ndihmë Lulzim Bashës që në një kontekst të tillë nuk mund të quhet humbës. Paradoksi është se vetë Partia Demokratike që humbi zgjedhjet pranon se ato nuk ndikuan në rezultat, ndonëse Nishani flet për të dhëna zyrtare

Lulzim Basha ka zgjedhur atë që di të bëjë më mirë: të falet te Sali Berisha. Gazeta zyrtare e PD-së hapet sot me një titull: "Askush i tepërt", shoqëruar me foton e Sali Berishës. Flitet në shkrim për vija të kuqe që nuk duhen kaluar, ndërkohë që në një editorial të kryeredaktorit Bledi Kasmi përshkruhen herozimat dhe aktet e Berishës, si model durimi për ata që nuk janë dakord me kryetarin. Mirëpo krahasimi me opozitarizmin e vitit 1997 nuk qëndron, sepse asokohe Shqipëria rrëshqiti në konflikt të armatosur.

Lulzim Basha është në konsultime intensive me Berishën për hapat e radhës që do të ndjekë përballë reagimeve që kërkojnë largimin e tij dhe e akuzojnë për manipulim të garës.Zërat kundër janë të shumtë dhe nuk kanë hezituar të dalin publikisht pamvarësisht mbrojtjes që Sali Berisha po i bën kryetarit të PD-së. Grupimi që kërkon largimin e Bashës kërkoi përmes Joezifina Topallit që Basha të japë dorëheqjen dhe t’i hapë rrugë një gare të ndershme në Partinë Demokratike,

Valentina Duka, që mban edhe një titull profesori në lëmë të historisë shfaqet sot në një intervistë për gazetën “Panorama” për të kontribuuar me një “analizë” të shkaqeve të humbjes së PD-së në zgjedhje. Së pari kujtojmë se zonja deklaroi se pranoi kandidimin pas garancisë së do të ishte e para në listën e Korçës, diçka që e bën performimin e saj politik një dhuratë nga lart.

Zgjedhjet parlamentare përfunduan dhe tanimë ato janë pranuar nga të gjitha palët e përfshira. Megjithatë, dy subjekte kryesore, Partia Demokratike dhe Lëvizja Socialiste për Integrim kanë deklaruar se në zgjedhje pati blerje masive të votave, duke shtuar se paratë e kanabisit janë përdoru gjerësisht në fushatë dhe ditën e votimit. Këtë akuzë e bëri edhe aleati i PS-së, Paskal Milo.

Si bazë referuese për këtë aspekt do të jetë raporti final i OSBE-ODIHR, ndërkohë që partitë shqiptare janë të legjitimuara të vijojnë me pretendimet e tyre.

Presidenti I Republikës, Bujar Nishani ka dekratuar thirrjen e seancës(sesioni) së jashtëzakonshme të Kuvendit të Shqipërisë me synim zhvillimin e betimitë të presidentit të ri. Data e seancës është 24 korriku 2017. Presidenti i zgjedhur është Ilir Meta, ish-kryetar i Kuvendit të Shqipërisë dhe ish-kryetar i Lëvizjes Socialiste për Integrim. Ai u përfshi në sulme dhe akzua të forta gjatë fushatës elektorale, çka nga socialistët u cilësua e papranueshme.