Blloku Politikë

Ka një dileme të madhe nëse BE do i hapë negociatat me Shqipërinë në Qershor. Përtej sugjerimeve për zgjidhjen e çështjeve me fqinjët, Brukseli do të peshojë edhe zhvillimet e brendshme që lidhen me procesin ndaj ish-ministrit të Brendshëm, Sajmir Tahiri, rezultatet në luftën kundër kanabisit dhe zgjidhjen e problemeve të pronësisë. Të paktën këto janë detyrat e shtëpisë sipas atyre që thotë ambasadorja Romana Vllahutin në një intervistë për DW.

Qeveria shqiptare ka vendosur në datën 31 dhjetor që të marrë përsipër pagesën e qerasë së banesës për prokuroren e përgjithshme të përkohshme, Arta Marku. Vendimi është propozuar nga kryeministri Edi Rama dhe akordon për çdo muaj një pagesë prej 35 000 lekësh për “kompensimin të pagesës së qirasë së banesës për strehimin, në qytetin e Tiranës, të prokurorit të caktuar të kryejë përkohësisht detyrën dhe funksionet e Prokurorit të Përgjithshëm”.

Shkëlzen Berisha, djali i ish-kryeministrit Berisha ka reaguar për thirrjen e tij në Prokurori për cëcshtjen e privatizimit të OSSH. Në një intervistë për Tv Klan ai e ka quajtur një shashkë politike rihapjen e çështjes për privatizimin e OSSH (Operatorit të Sistemit të Shpërndarjes)

Shaban Murati, ish-diplomat dhe ish-këshilltar i ministrit të Jashtëm, shkruan sot në një opinion në “Gazeta Shqiptare” për realitetin e negociatave ku ka hyrë Shqipëria me vende të BE-së.

Me tone të larta dhe i ngarkuar emocionalisht, Presidenti i Greqisë, Prokopis Pavlopulos ashpërsoi gjuhën ndaj Shqipërisë dhe pretendimit të Tiranës për çështjen çame. Ai i bëri thirrje Shqipërisë të respektojë ligjin, të drejtat e njeriut dhe të pronës, si dhe të drejtat e pakicës greke në Shqipëri.

Në datën 26 korrik 2017  në mbledhjen këshillit bashkiak të Tiranës u votua ndër të tjera me shumicë votash edhe vendimi për rritjen e çmimit të ujit të pijshëm. Por, kur kishte kaluar vetëm një muaj nga zgjedhjet e 25 qershorit, 6 këshilltarë të majtë kishin lënë mandatin për t’u betuar si deputetë dhe 6 të tjerë zunë vendet e tyre. Zgjedhjet e qershorit ndryshuan edhe rrjedhën e votave në bashki, ku LSI në opozitë, nuk votoi për të plotësuar shumicën për certififikimin e këshilltarëve e rinj.

Në raportin e strategjisë së Zgjerimit të Komisioni Evropian që pritet të publikohet të martën në Strasburg Brukseli ka për qëllim të të përshpejtojë ndjeshëm proceset pranimit për gjashtë vendet e Ballkanit Perëndimor. (Serbia, Mali i Zi, Maqedonia, Bosnja - Hercegovina, Shqipëria dhe Kosova).
"Një integrimi i vendeve Ballkanit Perëndimor në BE është në interes të Unionit në nivel të politik, por edhe për sigurinë dhe ekonominë"-thuhet në dokumentin  me titull "një perspektivë e besueshme e zgjerimit për vendet e Ballkanit" .

Kryetarja e LSI-së Monika Kryemadhi ka kërcanuar prokurorët se do t'u publikojë një pas një dosjet korruptive. Në një intervistë për TemA TV ajo ka folur për ngjarjet e fundit të arrestimit të ish kreut të ARRSH -së Dashamir Xhika dhe e cilësoi atë një arrestim politik.

Ish-kryeministri Sali Berisha ka publikuar sot një shkrim-status në Facebook përmes të cilit teksa replikon me kryeministrin Edi Rama për negociatat me Greqinë, shtron disa pyetje që sipas tij e kapin mat qeverinë aktuale në marrëveshjen e re për detin. Berisha thotë se Edi Rama i ka njohur Greqisë të drejtën e 12 mijeve det territorial ndërkohë që një gjë të tillë, nuk ja njeh as Italia dhe as Turqia.

Report Tv raporton se Shkëlzen Berisha ka qenë mbrëmë në Prokurori ku është thirrur për çështjen CEZ me makinën e ish-deputetit demokrat, Astrit Patozi, një BMW me targa AA 377 ML. I njëjti televizion raporton se Patozi e ka mohuar një gjë të tillë duke deklaruar se makinën nuk e ka lëvizur gjithë ditën. Pamjet dhe targa thonë tjetër gjë, pasi sipas regjistrimit automjeti me xhama të errët i përket z. Patozi.