Blloku Në Vëmendje

Episodi i një përplasjeje mes një pronari të një restoranti dhe një grupi turistësh spanjollë është bërë publike, duke treguar një tjetër anë të turizmit shqiptar. Pamjet janë aspak të këndshme pasi në video duket pronari i lokalit që kacaviret në xhamin e parë të furgonit duke e goditur atë. Furgoni ka ecur për rreth 3 km në këtë situatë, ku pasojat mund të ishin fatale. Një pamje aspak e denjë për në pikun e sezonit turistik që me siguri do bëjë xhiron e mediave të huaja.

Prokuroria e konfirmoi sot se ka kërkuar ndihmën e  Ministrisë së Drejtësisë për verifikimin e të shkuarës së Valdrin Pjetrit në Itali.  Në një letërpërgjigje që i kthen Partisë Demokratike organi i akuzës  thotë se autoriteteve të drejtësisë italiane u është kërkuar vënia në dispozicion e çdo lloji vendimi penal të dhënë nga gjykatat, si masa sigurimi personale apo vendime dëbimi, në emër të  Valdrin Pjetrit.

Të dhënat e fundit paraprake të publikuara nga AESO, Zyra Europiane e Mbështetjes së Azilit bëjnë të ditur se në 6 muajt e parë të vitit kishte 10,439 kërkesa për azil për herë të parë nga shqiptarët në një nga vendet e Bashkimit Europian. Në raport me të njëjtën periudhë të një viti më parë, kërkesat për azil janë rritur ndjeshëm me 29.3%.

Ngritja e memorialit në Kodrat e Liqenit Artificial të Tiranës për të rënët në mbrojtje të Erdogan gjatë grushtit të shtëtit të 15 korrikut 2016 në Turqi për analistin amerikan David Phillips është një marrëveshje mes Presidentit turk dhe kryeministrit të Shqipërisë.

Profesori i Universitetit të Kolumbias nuk nguron ta quajë zotin Rama si qenush të Erdogan, duke thënë se afërsia mes të dyve u shërben më tepër interesave personale të kryeministrit të Shqipërisë dhe synimeve të Ankarasë për të goditur lëvizjen gyleniste në Shqipëri.

U desh publikimi i dokumentave për dënimin në Itali të Valdrin Pjetrit që kryeministri Edi Rama të reagonte lidhur me këtë rast. Në 3 postime rrjesht në tuiter zoti Rama lë të kuptohet se nuk ka patur dijeni për të shkuarën e Valdrin Pjetrit dhe se për figurën e tij i ka besuar opinionit në Shkodër. Ai shkon më tej duke thënë se përgjegjësia është individuale dhe jo politike.

Postimi 1

Një nga personazhet që ishte i pranishëm në ceremoninë e vendosjes së memorialit në Kodrat e Liqenit për të rënët e grushtit të shtetit në Turqi në mbrojtje te presidentit Erdogan, Bujar Kapexhiu ka dhënë shpjegimin e tij pse mori pjesë në ceremoni. Zoti Kapexhiu, karikaturist i njohur pranë PD-së, ashtu si Erion Veliaj ka shpjeguar për Panorama se nderoi të rënët për liri. Madje Kapexhiu shkon më tej duke folur për komplot ndaj zotit Erdogan.

Erion Veliaj, mund të quhet pa frikë edhe“Myftiu politik” i Tiranës. Të paktën nisur nga komenti për  memorialin e vendosur në parkun e Liqenit Artificial të Tiranës në nderim të ushtarakëve turq që mbetën të vrarë në grushtin e shtetit në Turqi.

Ndonëse u mundua të heqë çdo përgjegjësi nga vetja duke thënë se personalisht nuk ishte i pranishëm në ceremoninë që u ndoq nga mëkëmbësi i tij Mazniku, Veliaj iu referua një lloj konsensusi që i bëri bashkë drejtuesit e bashkisë dhe një tufë PD-istësh të vetëquajtur shoqëri civile

Ishte e pritshme që dokumentari i RAI 3 mbi aktivitetin e grupeve të trafikut në Shqipëri dhe situatën e kultivimit të kanabisit do prishte humorin e qeverisë, e aq më tepër të ministrit të Brendshëm që e ka çuar policinë në plazhe për të hequr shezlongë e çadra, të cilat vetë ky shtet i la për 6 vjet të zinin plazhet publike.

Mediat italiane kanë publikuar disa video që sipas tyre, faktohet skandali i korrupsionit me Prokuroren Speciale në Maqedoninë e Veriut, një investim direkt i Bashkimit Europian.  

E përditshmja italiane “La Verita” ka publikuar një video ku shihen dy persona të dyshuar si ndërmjetësit e kryeprokurores speciale, Bojan Jovanovski dhe Zoran Milevsk. Ata filmohen duke numëruar paratë në shtëpinë e biznesmenit Orçe Kamçev, i arrestuar pikërisht nga prokuroria speciale. Siç shihet në pamje, dy ndërmjetësit marrin çantat me euro dhe dalin nga shtëpia e biznesmenit Kamçev.

Kryeministri në ikje, Ramush Haradinaj në një intervistë për Frankfurter Allgemeine Zeitung (FAZ), ndër të tjera ka treguar për marrjen në pyetje nga Dhomat e Posaçme në Hagë, dorëheqjen, proceset politike në vend dhe rrugëtimin në Gjykatat ndërkombëtare në mbrojtje të luftës së drejtë të UÇK-së.

FAZ: Zoti Kryeministër, në korrik kur u ftuat si i dyshuar nga Dhomat e Posaçme për Krime të Luftës në Kosovë, ju refuzuat të jepni deklaratë. Për këtë shkak as këtu s’do të tregoni se çfarë akuzash u janë bërë atje?