Blloku Në Vëmendje

Është e sigurtë se aty ku është vendosur, tabela e kartonit do të marrë vëmendjen e duhur. Fotoja vjen nga portali Jeta osh qef dhe tregon mbishkrimin “Shesim karkaleca balte” bashkë me numrin e shitësit. Copa e kartonit është ngjitur mu poshtë tabelës së qytetit antik të Butrintit. Këto lloj karkalecash të kënetës janë karrema me të cilat gjuajnë peshkatarët, dhe “afaristi” nuk ka ngurruar që të vendosë reklamën e biznesit edhe në anën tjetër të kanalit, pranë dhomës së motorëve që lëvizin lundrën. 

Nisma # ka organizuar sot një protestë kundër çmimit të naftës. Ndonëse me pjesëmarrje të ulët protesta sërish përbën një reagim qytetar.

Fadil Vokrri, ish-futbollist i njohur kosovar i klubeve të njohura të ish-Jugosllavisë, aktualisht drejtues i Federatës së Futbollit të Kosovës, i ka dhënë një intervistë “tesheshi.com”. Me rëndësi mund të quhet pyetja për anëtarësimin e Kosovës në FIFA dhe në UEFA, për të cilën Vokrri shpjegon se kjo ka gjësë të ndodhë në vitin 2016. “Ne i kemi bërë të gjitha detyrat që na takojnë dhe i vetmi problem për ne ashtu siç e përmenda më lartë është mos qenia e Kosovës anëtare e OKB-së dhe kjo është pengesë për ne. Ata prapë mund të mos na pranojnë, por ne kemi premtime nga krerët e UEFA-së.

Meqenëse ka nisur loja e deklaratave mediatike, ku rrëfehen skenarët e ngjarjes së Laçit, një nga të cilët është edhe se deputeti Prenga ka qëlluar në ajër, “por nuk ka mundur të kontrollojë drejtimin e qitjes”, po i sjellim në vëmendje lexuesit, atë që tha sot shefi i Komisariatit të Kurbinit, Nik Nikollaj. Më poshtë deklarata:

“Në vijim të njoftimeve të dhëna për ngjarjen e ndodhur në Kurbin, në përfundim të veprimeve të para hetimore të kryera nga Policia e Shtetit në bashkëpunim me Prokurorinë e Rrethit Gjyqësor Kurbin dhe me Prokurorinë e Përgjithshme, ju informojmë se:

Elton Hatibi shkruan në blogun “E-Zani” për një tjetër ndërhyrje me pathos “atdhetar” në tekstet me të cilat mësojnë fëmijët. Kësaj radhe akti i ardhur nga hartuesit e tekstit përligj më së miri zakonin e teprimit ndër shqiptarë, e që për pasojë mund të quhet edhe zakoni ynë i konsoliduar. Bëhet fjalë për përdorimin e imazhit të Nënë Terezës edhe në librin e Matematikës së klasës së parë.

"Ndihme! Mbreme isha ne Peze, tek nje lokal qe mendohet se per disa vite ka sherbyer si shtepi per Kryeministrin. Po te shikoni NIPT-in ne QKR do shikoni se ne pronesi te kujt eshte lokali. Ne lokal kishte gati 500 kliente, perfshi edhe deputetin perkates te PS apo shume funksionare te tjere publik. Tani kam nevoje per ndihmen tuaj per te kuptuar a eshte tatimore kjo fature?! Une nuk besoj se Kryeministri yne te kete dy standarde: nje per deputetet e tij dhe nje per hallexhinjte qe perpiqen te mbijetojne permes biznesit te vogel.

Shkolla “Emin Duraku” në Tiranë do të rikonstruktohet. Duket se nuk ka asgjë të pazakontë në këtë lajm, por ja që e pazakonta është te fakti se kjo ndërhyrje është menduar të bëhet me fillimin e vitit të ri shkollor. Nga drejtues të shkollës 9-vjeçare thonë se ajo është rikonstruktuar para 9 vjetësh, si dhe së fundmi është lyer. Ndaj rikonstruksioni ngjan disi i pajustifikuar. Sa për nxënësit ata do të sistemohen në shkolla të tjera, si “Petro Nini”, ku do të shfrytëzojnë mjediset pasdite.

Trupi i pajetë i vogëlushit sirian, Aylan Kurdi, i gjetur në brigjet e Bodrumit të Turqisë, është që tani simboli i një tragjedie që nuk po di të ndalet. Mediat e shumta vendosën publikimin e tri fotove shokuese me qëllim ndërgjegjësimin e politikës dhe për të nxitur një vendimmarrje që t’i thotë ndal kësaj fatkeqësie që po e gjen thuajse të vetmuar popullin sirian. Në shumë rrjete sociale, pamja e vogëlushit Kurdi ka nxitur një seri punimesh që janë shpërndarë si shenjë keqardhjeje, por edhe si një formë reagimi. Disa prej tyre marrë nga “Daily Mail”:

Denoncimi i mëposhtëm është dërguar përmes postës elektronike nga qytetari T.L, i cili e sjell si përvojë vetiake. Po e përcjellim me shpresë se edhe Bashkia e Tiranës do të japë një sqarim:

Në një artikull të gazetës New York Times (shkruar nga i mirënjohuri Thomas Freedman), veçohen Bektashinjtë e Shqipërisë si sekti më tolerant fetar, i cili beson në bashkëjetesën me fetë e tjera.