Blloku Ekonomi

Denoncimin e ish-kreut të forcës detare Artur Meçollari për ndërtimet e paligjshme që po kryhen në bazën ushtarake tëe Shëngjinit, kreu i Kadastrës, Artan Lame, e konsideroi një shqetësim të bazuar në prova për të cilat janë në dijeni edhe autoritetet shetërore.  I pyetur nga MCN për këtë çështje, Lame foli për një skemë grabitjeje të pronës shtetërore të nisur vite më parë.

Krizat nuk rëndojnë mbi të mëdhenjtë, madje prej tyre ata dalin të fituar. Edhe pse natyra e krizës që shkaktoi pandemia është tjetër nga ajo e recesionit dhe vështirë mund të mendosh se do të ishte fitimprurëse për një prodhues të makinave luksoze, në fakt ka rezultuar e kundërta. Për Lamborghini-n, vitit 2020 ka qenë më fitimprurësi, pavarësisht se prodhuesi italian i mbylli dyert përgjatë dy muajve të karantinës.

Pesë kompanitë në garë për ndërtimin e tunelit të Llogarasë janë skualifikuar nga gara. Ministrja e Infrastrukturës dhe Energjitikës, Belinda Balluku, tha në një intervistë për Report TV se asnjëra prej 5 kompanive që u ofruan për të ndërtuar tunelin nuk kanë përmbushur dokumentacionin ligjor dhe teknik.

Sot në media është njoftuar përfundimi  i afatit ligjor për shpalljen e fituesit për tenderin e tunelit të Llogorasë, një projekt me vlerë rreth 155 milionë euro.

Lajmi këtu është se qeveria, me sakte MIE si Autoritet Kontraktor nuk ka shpallur një fitues akoma, edhe pse ofertat dhe dokumentet e 6 kompanive të ndryshme janë dorëzuar më datë 1 Mars dhe deri më sot nuk ka asnjë informacion as mbi pranimin e tyre, as mbi skualifikimin.

Ministrja e Financave Anila Denaj ka zbardhur sot një premtim të ri të atij që po quhet si “Plani i Veprimit” i PS-së për zgjedhjet që po afrojnë.

Ne do të japim 5 mijë euro grant për çdo emigrant të kthyer që hap biznes në Shqipëri. Shqipëria 2030 është Shqipëria e sipërmarrjes shqiptare, ajo e prodhimeve 'Made in Albania'. Shqipëria 2030 është Shqipëria e të rinjve

ka thënë ministrja.

Elektroshtëpiaket prishen shpejt dhe për to nuk ka pjesë këmbimi. Një ankesë që nuk ngjan të jetë vetëm në anët tona, por edhe në një vend të zhvilluar si Britania e Madhe. Aq sa ka shtyrë ligjvënësit të miratojnë me ligj të drejtën e konsumatorëve për të riparuar mallrat që blejnë.

Kuvendi miratoi me 81 vota pro, 13 kundër dhe 4 abstenime projektligjin “Për miratimin e marrëveshjes, ndërmjet ministrisë së Financave dhe Ekonomisë si autoritet kontraktues dhe shoqërive “S2 Albania” shpk dhe “Rapiscan systems” INC “Për një ndryshim në marrëveshjen e konçensionit për financimin, ngritjen dhe operimin e shërbimit të skanimit të kontejnerëve e automjeteve të tjera në Republikën e Shqipërisë, miratuar me ligjin nr. 123/2013” të ndryshuar””.

Alpha Bank e Greqisë do të shesë një portofol prej 10.8 miliardë euro kredi të zhvlerësuara dhe 80% të ofruesit të shërbimeve të kredisë Cepal Holdings te fondi amerikan Davidson Kempner. Marrëveshja është arritur sot, raporton Kathimerini.

Arbitrazhet kërcënojnë buxhetin e shtetit me fatura të majme. Aktualisht, shteti shqiptar 6 ka gjashtë çështje arbitrazhi ende të hapura. Dy prej tyre i takojnë vitit 2020. “Monitor” ka bërë një përllogaritje të kostos që mund të kenë ato në xhepat e taksapaguesve shqiptarë. 

Në total, dëmshpërblimi potencial llogaritet rreth 450 milionë euro.

Për disa prej çështjeve, shqyrtimi është ende në fazat e hershme dhe gjykatat nuk kanë ende një vendim në favor të njërës apo tjetrës palë. 

Kufizimet që vendosën pjesa më e madhe e vendeve të botës vitin e kaluar reduktoi fluturimet në mënyrë drastike. Shoqata Ndërkombëtare e Transportit Ajror (IATA) thotë se përgjatë 2020, trafiku i pasagjerëve ra me dy të tretat. "Viti 2020 solli një sfidë të paparë për industrinë e linjave ajrore për shkak të kufijve të mbyllur dhe kontrolleve të rrepta të udhëtimit - të gjitha efektet e pandemisë", tha IATA.

"Në vitin 2020 në tërësi, trafiku i pasagjerëve ra me 66 për qind - deri tani rënia më e madhe në historinë e aviacionit."