Blloku Bota

Maqedonia shpalli gjendjen e jashtëzakonshme në kufijtë e saj jugorë dhe veriorë për shkak të shtimit të numrit të emigrantëve dhe refugjatëve. Maqedonia është shndërruar në një zonë kalimtare të mijëra refugatëve, kryesisht sirianë, të cilët nga Idomeni në Greqi kalojnë në këmbë kufirin për të ardhur në Gjevgjeli, ku hipin në trena dhe vazhdojnë rrugën nëpër Serbi drejt Hungarisë. Autoritetet maqedonase thonë se rreth 39 mijë refugjatë, kryesisht sirianë, janë regjistruar muajin e fundit, që paraqet dyfishin e numrit të një muaji më parë.

Mediat greke tashmë e konsiderojnë fakt rrëzimin e qeverisë së Alexis Tsipras. Sipas tyre ai do të kërkojë zgjedhje të parakohshme, data e të cilave mund të jetë 13 apo 20 qershori. Shkak është humbja e numrave brenda partisë që çoi në këtë krizë të re për Greqinë, në kohën që marrëveshjet me Trojkën po ecnin përpara. Duhet thënë se Tsipras bëri shkëputje të madhe nga vota e referendumit e cila ishte kundër masave shtrënguese të kërkuara nga Gjermania. Por kryemimistri grek, duket se e gjeti gjuhën me partnerët europianë, të cilëve u bëri konçesione të mëdha.

Nga fjalët kalohet në vepra. Tensionet mes Koresë së Veriut dhe asaj të Jugut, kanë arritur nivele të reja sot, teksa janë regjistruar shkëmbime zjarri artilierie. Mediat njoftojnë se Korea e Jugut ka lëshuar disa predha në kufi, pasi forcat koreanoveriore qëlluan me raketë një stacion radio të Jugut, i cili shërben për propagandë kundër Penhianit. Ndërkohë, mijëra km më larg, në Lindje të Europës, po mahiset përherë e më tepër një tjetër vatër konflikti, edhe më i madh; ai mes Rusisë dhe Perëndimit.

Mediat në Europë njoftojnë se dy polakë deklarojnë të kenë gjetur një tren nazist të mbushur me flori, armë dhe gurë të çmuar. Lajmi i referohet mediave polake që raportojnë se treni kishte humbur gjatë Luftës së Dytë Botërore, afër qytetit të sotshëm të Wroclaw në vitin 1945, teksa forcat sovjetike po i afroheshin Gjermanisë.

Barbaritë e militantëve të Shtetit Islamik nuk njohin kufij. Kësaj radhe vrasja përmes prerjes së kokës i ka marrë jetën një arkeologu 82 vjeçar, Khaled al – Asaad, përgjegjës për sitin e famshëm të Palmiras. Qyteti ka rënë në dorë të militantëve që kontrollojnë aktualisht 1/3 e Sirisë dhe për një muaj ata kanë marrë në pyetje al – Asaad për vendndodhjen e disa prej artefakteve kryesore.

Javën e kaluar Kina zhvleftësoi monedhën e saj, juanin, në përpjekje për të nxitur exportet.  Zhvleftësimi u pa edhe si një tregues i dobësimit të ekonomisë kineze, thotë Zëri i Amerikës. Ekspertët kanë ngritur shqetësimin se edhe vende të tjera në rajon mund të ndjekin të njejtin shembull, duke zhvleftësuar monedhat në mënyrë që eksportet e tyre të mos dëmtohen. 

Jeffrey Feltman, nënsekretar i përgjithshëm për çështjet politike në Kombet e Bashkuara, më herët zyrtar i lartë i administratës amerikane, ka deklaruar se rreziku i përshkallëzimit të konfliktit Izrael-Palestinë “është i dukshëm”. Jeffrey Feltman ka thënë në Këshillin e Sigurimit të OKB-së se në muajt e fundit ka parë “krime të paarsyeshme të urrejtjes nga elementë ekstremistë, dhunë, provokime në vendet e shenjta në Jeruzalem dhe rritje shqetësuese të raketave të lëshuara nga Gaza drejt Izraelit.

Vittorio Brumotti, gazetari i “Striscia la notizia” u bë protagonist i një ngjarjeje të pakëndshme, ku mbeti i lënduar. Atë e kanë qëlluar dhe rrahur disa të rinj në Savona, që kanë rezultuar të jenë shqiptarë. Shkaqet janë banale; shpejtësia e ulët e makinës. Por vetë Brumotti ka apeluar që të shmangen polemikat me natyrë raciste, në këto kohë kur nervi nacionalist në Europë dhe në Italinë fqinje, identifikohet me frymën kundër imigrantëve. “Do t’iu shpjegoj më vonë mirë.

Serbia do të paraqitet me një projekt të madh në Samitin e Vjenës që mbahet më 27 gusht. Agjencia serbe e lajmeve, “Tanjug” shkruan se projekti i rrugës Nish-Prishtinë-Durrës, do të jetë një nga projektet më të rëndësishme të propozuara, i cili pritet të fillojë në vitin 2017. Pala serbe e cilëson atë si shumë të rëndësishëm dhe e sheh madje si me rëndësi në integrimin rajonal, por refuzon që formalisht të njohë Kosovën si palë të tij.

Vladimir Putin, di të jetë lajmi kryesor në Rusi. Dhe sipas zakonit të tij, edhe kësaj radhe ka bërë diçka ngacmuese. Ai është zhytur me një mininëndetëse në Sevastopol të Krimesë, i buzëqeshur dhe pa shprehur asnjë grimë frike. Një lider ashtu siç "rusët e duan".