Blloku Bota

Agjensia e lajmeve AFP raporton se Franca do të zhvillojë sulme ajrore kundër organizatës Shteti Islamik (ISIS) në Siri në javët e ardhshme. Lajmin e njoftoi sot ministri francez i Mbrojtjes, Jean Yves Le Drian. I intervistuar nga “radio France Inter” dhe i pyetur se kur, avionët bombardues francezë, që zhvillojnë që prej 8 shtatorit fluturime mbi Siri për grumbullim informacioni, do të fillojnë bombardimet, ministri francez u përgjigj se bombardimet do të fillojnë “në javët në vijim, sapo të jenë mirëidentifikuar objektivat”.

Ajo që bota po dëshmon sot në Siri, e më tej, pasojat e saj në Medhe ku po mbyten qindra njerëz, ndërkohë që miliona kanë lënë shtëpitë, është edhe përgjegjësi e fuqive perëndimore. Kryesisht SHBA-sëm Britanisë së Madhe dhe Francës. Loja e tanishme e këtyre fuqive për të bllokuar Rusinë në përpjekjet e veta ushtarake në Siri ka humbur çdo legjitimitet, sa kohë kasaphana siriane mban firmën e tri shteteve demokratike në fjalë.

Pak ditë para një turneu të pazakontë në SHBA dhe Kubë, Papa Françesku ka dhënë një intervistë radiofonike për një radio portugeze. Temat kanë qenë të shumta, por kryesisht për emigracionin, xhihadistët e ISIS dhe gjendjen e sotme të Europës. Papa ka fajësuar sistemin kapitalist 'të keq dhe të padrejtë' për krizën e emigrantëve që po ndodh në Europë, por edhe ka paralajmëruar kujdes, pasi xhihadistët e ISIS mund të përfitojnë nga kjo dyndje masive për t'u futur në Europë.

AFP raporton se shtetet anëtare të BE-së, të mbledhura në Bruksel, nuk arritën dot në një marrëveshje unanime për ndarjen e 120 mijë refugjatëve shtesë për t’u përballur me fluksin e azilkërkuesve, njoftoi dje në mbrëmje presidenca luksemburgase. “Një maxhorancë e shteteve janë për parimin e një rishpërndarjeje, por askush për momentin nuk ka ndërmarrë ndonjë hap”, njoftoi ministri luksemburgas i Punëve të Jashtme, Jean Asselborn, i cili drejtoi këshillin e jashtzakonshëm të ministrave të Punëve të Brendshme të BE-së.

Grupe të vogla por shumë ambicioze të krimit. Kështu i quan gazeta holandeze “De Telegraaf” grupet kriminale të organizuara nga shqiptarët, që kanë mundur të përfitojnë para të mëdha kryesisht me trafik droge. Gazeta shkruan gjithashtu se shqiptarët atje janë të përfshirë në një sërë vrasjesh brutale, ende të pazbardhura dhe në tregtinë e kokainës.

Situata e tensionuar në Egjipt ka bërë që forcat egjiptiane të sigurisë të vrasin gabimisht 12 persona, midis tyre edhe turistë meksikanë. Në momentin që u qëlluan ata ishin duke udhëtuar në katër automjete të ndryshme në perëndim të shkretëtirës egjiptiane. Sipas zëdhënësit të ministrisë egjiptiane të Turizmit, kjo ishte një zonë e ndaluar për turistët për shkak të rritjes së aktivitetit terrorist, ndërsa makinat nuk ishin të licensuara dhe të njohura nga autoritetet.

Një numër prej 19 000 refugjatësh në total kanë mbërritur në qytetin jugor gjerman, Mynih me tren gjatë fundjavës, njoftoi qeveria lokale. “Rreth 7 100 kanë prekur Mynihun të dielën, pasi më shumë se 12 000 mbërritën të shtunën”, deklaroi zëdhënësja e qeverisë bavareze.

Kriza e refugjatëve po ndryshon shumë shpejt atë që Europa e arriti më vështirësi të madhe: lëvizjen e lirë. Krijimin e një hapësire të përbashkët. Mediat e shumta europiane raportojnë se për shkak të numrit të madh të refugjatëve, Gjermania ka vendosur të rikthejë kontrollin në kufi me Austrinë. Britanikja “The Telegraph” raporton se sot në mbrëmje, ministri i Brendshëm gjerman, Thomas de Maziere, domtë njoftojë rikthimin e kontrollit të pasaportave në kufi. Ndërkohë probleme paraqet edhe menaxhimi i situatës së brendshme.

Kryetari i Partisë Ardhmëri për Kosovën, Ramush Haradinaj, thotë për "Tema Tv" se procesi i demarkacionit kufitar me Malin e Zi mund të çojë realisht në humbje territori për Kosovën. Ai ka shpjeguar edhe incidentet në Komisionin Parlamentar për Politikë te Jashtme. "Rasti i fundit ishte ofendim direkt, kur u provua të kalohej në Komisionin për Politikën e Jashtme një raport i komprometuar, i një zyrtari të komprometuar për kufirin. Bazuar në këtë raport Kosova mund të humbë mbi 12 mijë hektarë territor.