Blloku Bota

250 dollarë për fëmijët rekrutë dhe 3 mijë dollarë për udhëheqësit e tyre. Këto janë pagat që jep Shteti Islamik për të mbajtur lart moralin e luftëtarëve të tij dhe për të ushqyer fanatizmin fetar në emër të xhihadit kundër perëndimit. Ushtarët e ISIS nuk kanë moshë dhe edukimi për të vrarë gjakftohtësisht armiqtë e Allahut nis që në moshë të vogël.
Gazeta gjermane Bild u referohet burimeve qeveritare që thonë se xhihadistët përpiqen të joshin me para të rinj nga Siria dhe Iraku për të luftuar në radhët e tyre edhe me koston e vdekjes për xhihad.

Autoritetet greke vlerësojnë se disa prej emigrantëve të vendosur prej kohësh në kufirin greko-maqedon kanë vendosur të rikthehen në brendësi të Greqisë, ndërsa të tjerë po kërkojnë rrugëkalime të tjera, të pambrojtura, për të vazhduar aventurën e tyre.
Një tjetër mundësi është që pjesë e këtyre emigrantëve të drejtohen në territorin shqiptar, pavarësisht largësisë realtivisht të madhe, dhe të tentojnë që atje, kalimin e tyre për në Europë.

Sulmi terrorist i 13 nëntorit në Paris ia ka dalë të realizojë një objektiv që për dikë mund të jetë edhe strategjik. Ai ka krijuar idenë e situatës së jashtëzakonshme në Europan e demokracisë, këtë oaz unik në Botë, e cila ka reaguar duke adoptuar masa të forta kontrolli. Të ngjashme me “Patriot Act” që ShBA adoptoi pas sulneve të 11 shtatorit.

Destabiliteti politik që ka shoqëruar Athinën vitet e fundit, duket se i ka dhënë terren një rebelizmi të verbër që shfaqet gjithmonë e më shpesh në shoqërinë greke. Skena të tilla dhune marrin përmasa në ngjarje më vëmendje të madhe publike siç ishte derbi i futbollit të ligës së parë greke mes Panathinaikos dhe Olimpiakos.
Ende pa nisur loja tifozët hodhën fishekzjarre në fushë, duke dhënë shkëndijën e parë të anarkisë që mbizotëroi më pas brenda në stadium dhe jashtë tij.

Fakti që ISIS përparon dhe ngjan i pamposhtur lidhet deri diku edhe me axhendat e ndryshme që fuqitë e mëdha kanë në Siri. Shembull i qartë është heshtja e Perëndimit ndaj ndërhyrjes ruse në Siri si dhe miratimi me vonesë i sulmeve të Kremlinit. Mirëpo me kalimin e kohës, në vështrim po vjen paqja dhe periudha që pason pastrimin e Sirisë nga militantët e Shtetit Islamik.

Shumica e viktimave nga sulmet xhihadiste në Paris u vranë në teatrin Bataclan. Detyrën për të asgjesuar terroristët e mori një skuadër e specializuar e policisë së Parisit që drejtohej nga Xheremi. Ai ka rrëfyer në një intervistë eskluzive për rrjetin amerikan NBC momentin para mësymjes në sallën ku xhihadistët po kryenin një maskakër në emër të Allahut.
"Ishte ferri mbi tokë"- thotë Xheremi. "Nga jashtë nuk dëgjohej asgjë, nuk pipëtinte askush. Të gjithë rrinin pa lëvizur nga frika e terroristëve".

Pas sulmeve të Parisit, Europa ndodhet në udhëkryqin e vendimmarrjes për reagimin që duhet të ndjekë dhe strategjitë që duhet të adoptojë. Ndërkohë që Franca është angazhuar në një fushatë ushtarake, në Bashkimin Europian, ka mbërritur një propozim që mund të vlejë për harmonizimin e përpjekjeve kundër terrorizmit dhe në rritjen e sigurisë. Komisioneri për Migrimin, Çështjet e Brendshme dhe Qytetarinë, Dimitris Avramopoulos, ka propozuar në takimin e ministrave të Brendshëm të BE-së në Bruksel, krijimin e një shërbimi sekret europian.

Parlamenti grek ka miratuar të enjten në mbremje paketën e masave të reja, duke bërë hapin vendimtar për marrjen e financimeve të tjera nga kreditorët. Masat u votuan me 153 vota ”pro” dhe 137 “kundër”.

Historia e pasojave të luftës që Shteti Islamik ka prodhuar në këto vite të përgjakshme për Sirinë, ndoshta do të shkruhet vetëm përmes asaj që do të quhej arkeologjia e vdekjes. Përveç episodeve makabre të publikuara posaçërisht, krime të heshtura zbulohen së fundmi, duke i dhënë betejës së ISIS një përmasë absurdi. Mediat raportojnë se në Irak, konkretisht në Sinjar, janë zbuluar dy varre masive me trupa të grave yazide të therura nga militantë të Shtetit Islamik. Bëhet fjalë për 80 trupa të cilat janë therur për t’u varrosur në varre të përbashkëta.

Prokuroria e Parisit konfirmoi se terroristi Abdelhamid Abaaoud është vrarë. Trupi i tij është ai i terroristit të qëlluar me snajper në operacionin që u zhvillua të mërkurën në Saint-Denis, në veri të Parisit. Abaaoud konsiderohet si organizatori i sulmeve terroriste të së premtes së 13 nëntorit, në Paris, në të cilët u vranë 129 persona dhe u plagosën 350 të tjerë. Ai ishte shtetas belg dhe kishte lidhje direkte me drejtuesit e ISIS.