Blloku Bota

Mosuli është duke rënë dhe me te në skenarët e luftës mund të ndodhë gjithçka që afekton Sirinë. Valë migratore që parashikohet deri në 100 mijë njerëz, krijimi i një korridori daljeje për militanët e ISIS, që mund të dynden në Raqqa. Kjo situatë që i jep Perëndimit një fitore në Irak, duke stabilizuar një shtet ku edhe Turqia, formalisht partner me Perëndimin, ka ngritur hapur pretendime territoriale, duke synuar pjesëmarrje në trajtimin eventual të çështjes kurde.

Një organizatë zvicerane në mbrojtje të pyjeve tropikale ftoi aktorin Leonardo Di Caprio të japë  shpjegime mbi përfshirjen e dyshuar në skandalin e disa miliardë dollarëve ose të braktisë detyrën e të Dërguarit të Paqes së Kombeve të Bashkuara për ndryshimet klimatike.

"Leonardo DiCaprio refuzon me kryeneçësi të shpjegojë marrëdhëniet e ngushta personale dhe financiare me persona kyç në skandalin malajzian të fondit qeveritar  të investimeve 1MDB» tha Lucas Straouman, drejtor i organizatës për Mbrojtjen e Pyjeve Tropikale, me bazë në Zvicër. "Kjo është e papranueshme", shtoi ai.

Organizata njofton në Twitter se që nga e shtuna, ambasada e Ekuadorit në Britani, ku strehohet Julian Assange ka ndërprerë internetin për këtë të fundit. Vetë WL ka kërkuar nga bashkë punëtorët të mbrohen dhe në disa media po hidhet dyshimi se Assange mund të mos jetë më në ambasadë. Gjithçka mesa duket pas e-maileve të Clinton që kanë djegur keq.

Televzioni ndoshta më i madh në SHBA, CNN, është shndërruar në një borie propagandistike përherë me frikën se Donald Trump mund të fitojë zgjedhjet presidenciale të muajit nëntor. Duke dashur të ndihmojë kandidaten demokrate, Hillary Clinton, krejt e paaftë që të përballojë edhe në debat, republikanin Donald Trump, CNN ka dalë me këtë mesazh live për spektatorët, duke thyer çdo kod në raportim. Një shembull sesi propaganda i vesh të gjithë, në Lindje e në Perëndim, me të njëjtën uniformë, atë që e kemi parë jo rrallë muajt e fundit edhe nga ndonjë seli diplomatike në Tiranë.

Një mercenar rus, Arseniy Pavlov, i njohur me nofkën “Motorola” është vrarë dje në Donetsk të Ukrainës. Kreu i separatistëve ukrainas, Denis Pushilin e cilësoi vrasjen nga shpërthimi si një akt terrorist dhe akuzoi për të forcat ukrainase. Tragjikomedia e këtij akti vijon kur kreu i republikës së vetëshpallur në Ukrainë, Alexander Zakharchenko, e cilësoi vrasjen e një mercenari si akt lufte nga Kievi.

"Millo nuk ka rënë, e kur do të bie nuk dihet". Ky është një citat i përshtatur nga seriali dikur shumë i njohur televiziv në Mali të Zi për "Gjeknën", që pasqyronte në mënyrën më të mirë mentalitetin malazez.

Operacionin e vështirë për marrjen e Mosulit ka shpallur kryeministri i Irakut  Haider al-Abadan, duke synuar likujdimin e ISIS me ndihmën edhe të forcave amerikane. Pentagoni e ka përshëndetur këtë vendim duke deklaruar se Shtetet e Bashkuara janë krenare që janë përkrah aleatëve të tyre irakienë. Në operacion do të marrin pjesë edhe militantë kurdë dhe milicia shiite.

Tërmeti 5.5 ballë që tronditi mbrëmë zonën e Janinës ka nxjerrë në rrugë e sheshe të gjithë qytetarët që e kanë gdhirë natën jashtë. Tërmeti kishte si epiqendër zonën e Thesalisë dhe u ndje edhe në jug të Shqipërisë. Nuk raportohet për dëme dhe nuk përjashtohet mundësia edhe e lëkundjeve të tjera sizmike. Ndërkohë që lëkundjet kanë krijuar frikë edhe te banorët e Gjirokastrës.

Europa po ndahet sërish. Edhe kësaj radhe me Rusinë, jo me mure si në Luftën e Ftohtë. Por duke shkëputur fijet natyrale ekonomike. Polonia, një nga vendet më antiruse, ka vendosur që të shkëpusë varësinë nga Moska duke nisur punën për ndërtimin e një kanali që do të jetë 1.3 km i gjatë, 80 m i gjerë dhe 5 m i thellë e që do të kushtojë 225 milionë dollarë. Kanali do të shmangë detyrimin e tanishëm të anijeve që dalin nga Polonia nga qyteti port Elblag për të dalë në Balltik përmes ujërave territoriale ruse.

“Politika e SHBA-së për Rusinë ka dështuar”. Kështu titullohet një shkrim i revistës së njohur “Foreign Policy” që ka për autor Thomas Graham dhe Matthew Rojansky. Shkrimi sjell në vemendje një nga problemet kryesore të SHBA-së sot, që është pikërisht përballja me bilanc negativ me Kremlinin. Duke qenë se nuk thuhet ende se ky bilanc vjen nga një dobësi sistemike apo strukturore, dsy autorët sugjerojnë për kandidatët për presidentë që qasja dhe premisat e politikës së jashtme ndaj Moskës të rishikohen.