Blloku Bota

Franca ka pranuar më në fund përdorimin e torturës gjatë Luftës së Algjerisë gjatë së cilës vdiqën më shumë sesa 1.5 milionë algjerianë. Presidenti francez, Emmanuel Macron ka deklaruar këtë javë se Maurice Audin, një activist komunist pro pavarësisë së Algjerisë, i zhdukur në vitin 1957, në të vërtetë kishte vdekur nën tortura të kryera nga regjimi kolonial francez.

Macron ka vizituar të venë  e Audin dhe ka njoftuar me këtë rast

Dy rusët e akuzuar si autorë të tentativës për helmim të ish-agjentit të dyfishtë Sergei Skripal dhe vajzës së tij u shfaqën në televizionin shtetëror rus, duke thënë se janë akuzuar padrejtësisht nga Britania për ngjarjen në Salisbury. Ata thanë se  kishin vizituar qytetin e të Anglisë për turizëm.

Europa u përket europianëve. Ky parim që ngjan me një thirrje populiste të djathtë, është artikuluar nga lideri shpirtëror tibetian, Dalai Lama gjatë një konference në Suedi.

Europa është moralisht përgjegjëse për të ndihmuar refugjatët që përballen me rreziqe për jetën e tyre. Pritini ata, ndihmojini, edukojini, por në fund ata duhet të zhvillojnë vendin e tyre. Mendoj se Europa u përket europianëve. Europa duhet t’ua bëjë të qartë refugjatëve se ata duhet të rikthehen për të rindërtuar vendin e tyre

Dy media të njohura gjermane, Spiegel dhe Die Zeit kanë publikuar së fundmi një raport që akuzon rëndë Kishën Katolike Gjermane. Sipas këtij raporti që nga viti 1946 e deri në vitin 2014 ka patur 3677 raste të abuzimit seksual nga klerikë të kësaj kishe. 

Raporti është miratuar nga Konferenca Ipeshkvnore Gjermane dhe u realizua nga kërkimet e tre universiteteve. Dokumenti sqaron edhe një rrethanë rënduese: më shumë sesa gjysma e viktimave ishin djem nën moshën 13 vjeç. Një në çdo raste ka qenë përdhunim dhe mendohet se në këto akte janë   të paktën 1670 klerikë. 

Serbia ka kthyer përgjigje Hashim Thaçit për kërkesën e tij të bashkimit të Luginës së Preshevës me Koosovën. Në një intervistë për gazetën serbe Vecernje Novosti, kreu i Trupës Koordinuede për Preshevën, Bujanovcin dhe Medvegjën, Zoran Stankovic ka cilësuar se kërkesa të tilla bazohen në një referendum të palogjshëm të vitit 1992 dhe se ato shtrohen për diskutim nga përfaqësues lokalë që kanë humbur zgjedhjet. Stankoviç po ashtu ka përjashtuar kategorikisht se në Jug të Serbisë do të ketë luftë. 

Me 448 vota pro, 197 kundër dhe 48 abstenime, Parlamenti Evropian ka miratuar aktivizimin e procedurës së sanksioneve kundër Hungarisë për shkeljen e përsëritur të rregullave demokratike.

Kjo është hera e parë në historinë e Unionit që aktivizohet procedura e nenit 7 kundër një shteti anëtar. E njëjta procedurë ka filluar që nga dhjetori 2017 kundër Polonisë, me një vendim të Komisionit Evropian.

Çfarë mundëson Neni 7?

Neni 7 quhet 'zgjedhje nukleare' pasi vendos sanksione mbi një vend anëtar dhe pezullimin e të drejtës për të votuar.

Gazeta e njohur greke “To Vima” i kushton vëmendje marrëdhënieve greko-amerikane në një shkrim të vetin të datës 10 shtator. Tashmë nuk është më sekret se qeveria e të majtit radikal Alexis Tsipras, i ka rregulluar mirë pipëzat me Uashingtonin.

Pas gjermanëve dhe austriakëve edhe amerikanët po shprehin mbështetje të hapur për investimin e tyre në Maqedoni. Agjencia MIA raporton se këtë fundjavë pritet që Shkupin ta vizitojë sekretari amerikan i Mbrojtjes, James Mattis i cili do të jetë në vendin fqinj në mbështetje të plotë të referendumit që po oganizohet për miratimin e Marrëveshjes së Prespës për emrin.

Po shkoj aty që të bëj të qartë se ne jemi me popullin maqedonas

ctohet të jetë shprehur Mattis.

Banka e dytë më e madhe franceze, Societe Generale, do të duhet të paguajë 1.1 miliardë euro gjobë si pasojë e sanksioneve të SHBA-së. Radio France International raporton se banka në fjalë është ekspozuar ndaj disa padive gjatë kohëve të fundit dhe po lufton që të mbyllë çështjet e hapura.

Suedia, e cila është konsideruar tradicionalisht si modeli më i suksesshëm i shtetit social në Evropë, po shkon drejt një orientimi të djathtë, me një ngjitje më të butë se vendet e tjera të BE-së.

Socialdemokratët u rrëzuan në zgjedhjet e së dielës, duke regjistruar rezultatin më të keq në 100 vitet e fundit. Megjithatë, ata mbetën forca më e madhe politike duke marrë më shumë vota sesa pritej.