Blloku Bota

30 mijë anëtarë të bandave kriminale në një vend me 10 milionë banorë. Bëhet fjalë për Suedinë, një ndër parajsat nordike të zhvillimit dhe ligjit, por që së fundmi ka të akumuluar në mënyrë shpërthyese problemin e kriminalitetit. Shtatori i këtij viti është quajtur “shtatori I zi”, pasi në vend u regjistruan 12 viktima si pasojë e dhunës mes bandave. Në qendër të tensionit të tanishëm është një rrjet criminal me emrin “Foxtrott” dhe ai rekruton edhe minorenë.

Për të përballur këtë situatë, qeveria suedeze ka vendosur të thërrasë në ndihmë ushtrinë.

Në një video në Instagram, presidenti i Serbisë, Aleksandër Vuçiç, ka shfaqur një anë patetike të dikujt që po vesh gradualisht kostumin e heroit nacional përkundrejt një rreziku që në të vërtetë ësgtë provokuar prej budallallëkut të tij. Zoti Vuçiç ka folur për ditët më të vështira që nga viti 2008, ai ka folur për një fushatë të nisur kundër Serbisë, me gënjeshtra dhe të pavërtëta.

Perëndimi po ruan ende një sens përmbajtjeje ndaj Serbisë, që mund të rezultojë me pasoja. Ndonëse është e drejtë të vlerësohet se përgjigja zyrtare do të duhet të jepet pas zbardhjes së ngjarjes së Banjskës, është tanimë evidente se përgjegjësia për atë që ka ndodhur është te pala serbe. Shtimi i kontigjentit të KFOR në Kosovë lidhet me çështje të sigurisë dhe synon të shkurajojë çdo aventurë të mundshme të Beogradit që nuk ka më hapësirë manovrimi. Por ky veprim është në një farë mënyre sinjalizim se brenda Perëndimit koniunktura po ndryshon.

Plani i ri europian për imigracionin ilegal pritet të dështojë për shkak të vetos polake. Kryeministri i Polonisë, Mateusz Morawiecki ka deklaruar se ai do të kundërshtojë propozimin e Komisionit Europian për ndarjen me kuota mes vendeve anëtare të azilkërkuesve.

Kjo është një përpjekje për të sulmuar jo vetëm sovranitetin e Polonisë dhe veneve të tjera anëtare, por gjithashtu një përpjekje për të destabilizuar BE-në një mënyrë jodemokratike

Kryeministri i Kosovës, Albin Kurti, ka deklaruar në një aktivitet të partisë së tij, Lëvizja Vetëvendosje, se problemi me Veriun është krijuar edhe nga fakti se ish-kryeministri Hashim Thaçi, ishte zotuar vite më parë se nuk do të fuste Forcën e Sigurisë së Kosovës në atë zonë. Kurti e ka cilësuar këtë si një “zotim të njëanshëm” që sipas tij ka krijuar një boshllëk që duhet mbushur.

Shtetet e Bashkuara të Amerikës kanë pranuar publikish se ato besojnë se pas sulmit në Banjskë qëndron Beogradi zyrtar. Pas telefonatës së sekretarit të Shtetit Blinken me Presidentin serb Aleksander Vuçciç, u paralajmërua marrja e masave për Serbinë. 

Më tej akoma, në një bisedë me gazetarë sot, Koordinatori për Komunikime Strategjike në Këshillin e Sigurisë Kombëtare të SHBA-së, John Kirby, kërkoi që Serbia të largojë trupat ushtarake nga kufiri me Kosovën.

Ndërsa Franca dhe Gjermania po hartojnë plane për anëtarësimin me disa shpejtësi në BE, Ukraina e ka bërë të qartë se nuk dëshiron të pengohet me anëtarësimin e nivelit të dytë. Kryeministri ukrainas, Denys Shmyhal, ka thënë për "POLITICO" se Kievi synon të bëhet "kandidat i plotë për anëtarësim të plotë" në Bashkimin Evropian dhe pret të marrë vendin e tij në Union brend dy viteve. Qëndrimi i Shmyhal vjen në një moment kur debati për zgjerimin është nxehur.

Nënkryetari i Listës Srpska, Milan Radoiçiç, ka dhënë dorëheqjen nga detyra e tij, pasi sipas presidentit të Serbisë, Aleksander Vuçiç, “ai nuk dëshiron ta dëmtojë Listën Srpska”. Përmes një letre te lexuar nga avokati i Radoiçiç, Goran Petronijeviç, numri dy i Listës Srpska, parti serbe në Kosovë, ka pranuar pjesëmarrjen në ngjarjet e Banjskës më 24 shtator, madje edhe përgjegjësinë për organizimin logjistik të tyre. Siç pritej ai ka shfajësuar Beogradin zyrtar duke deklaruar se ky i fundit nuk ka patur dijeni për atë që po ndodhte.

Kanë kaluar pesë ditë nga ngjarja e Banjskës dhe në qëndrimin e Beogradit ka një përpjekje për të evoluar nga izolimi i tanishëm i akuzës që i është bërë thuajse zyrtarisht. Presidenti serb ka folur për hetime, duke u distancuar nga vrasja e policit të Kosovës, Bunjaku, ndërkohë që aksionet e forcave speciale të Kosovës, cilësohen nga Serbia si akte terrori ndaj serbëve.

Gratë spanjolle po lindin gjithnjë e më pak fëmijë, e megjithatë Spanja është bërë kryeqyteti i dhurimit të vezëve në Evropë.

Gjatë 20 viteve të fundit, numri i cikleve të dhurimit të vezëve në Evropë është rritur vazhdimisht, duke arritur në më shumë se 80 000 në vitin 2018. Rreth gjysma e tyre ndodhin në Spanjë, vendi që është bërë destinacioni kryesor në Evropë i atyre që kërkojnë vezë të dhuruara.