Blloku Billboard

Kryetari i opozitës mblodhi të hënën tryezën e aletaëve, me të cilët Partia Demokratike do të bashkojë fuqitë për të fituar zgjedhjet e ardhshme parlamentare. Një përpjekje për të treguar se opozita është e bashkuar në qëllimin e saj për t’i dhënë vendit zgjedhje të lira e të ndeeshme dhe një qeverisje më të mirë nga kjo aktualja. Po kush janë këmbët e vogla të opozitës, që shfaqen në krah të kryetarit të PD-së dhe që premtojnë ditë më të bardha për shqiptarët. Le t’i marrim me radhë.

Gazeta “Dita” raporton për dyshimet që janë ngritur për trukim në konkursin e organizuar nga Prokuroria e Përgjithshme për tre prokurorë të rinj. Shkruan gazeta në fjalë: “Prokuroria e Përgjithshme ka zgjedhur sot si fitues të testit për 3 prokurorë në Shkodër, Vlorë dhe Pogradec, ish-drejtorin e SHKB–së së policisë Astrit Halilaj, oficerin Erion Pustina dhe Anton Pali. Ditën e provimit mësohet se ka pas debate mes dy kandidatëve dhe anëtarëve të komisionit, në lidhje me sekretimin e tezave. Por pavarësisht ankesave ato nuk janë marë parasysh.

Sot është prezantuar një strategji e re në luftën kundër korrupsionit. Kështu njoftojnë mediat për takimin e “prezantimit te një strategjie të re në luftën kundër korrupsionit”. Frëza të tilla si këto të strategjive të reja të lënë krejtësisht indiferent sa kohë që ato janë përpjekje për të shpikur metoda dhe metodologji kur rruga kryesore dhe e vetmja, zbatimi i ligjit, është e shkatërruar.  Një rrugë ku ata që janë menaxherët dhe mbikëqyrësit, pra gjyqtarë e prokurorë bashkë me politikën, janë problemi dhe jo zgjidhja.

Partia Demokratike nxori sot në një deklaratë për shtyp, zëdhënësen e vet, Ina Zhupa, e cila bëri një denoncim të ri. Tha Zhupa: “Pasi ka shtënë në dorë çdo vend pune, çdo tender, çdo licensë, çdo tokë e truall, çdo plazh, çdo burim fitimi, me dekret të posaçëm të Edi Ramës, Koço po bëhet gati të fusë në kthetra dhe kalanë e Porto Palermos, dhe kjo është arsyeja pse Ministria e Kulturës vendosi ti japë me qira këto objekte të trashëgimisë kulturore”. Ministria e Kulturës ka paraqitur një projektligj për këtë çështje.

Prej dy ditësh kryeministri i Shqipërisë, Edi Rama, njëherazi kryetar i Partisë Socialiste, ka ndryshuar tonin dhe termat e komunikimit me opozitën. Duke nisur që nga konferenca për shtyp me Komisionerin e BE-së për Zgjerimin, Hahn, Partia Demokratrike ka pushuar së qeni “Shqupi” dhe “qeveria në mërgim”. Ajo është tani e ftuar për dialog të nivelit të lartë, aty ku mund të përcaktohen disa piketa për të ecur më tutje me reformat si dhe për dhënë një sinjal ndaj Europës aq i nevojshëm për qeverinë në kuadër të procesit të Integrimit.

Protesta e vazhdueshme te Parku i Liqenit dhe kundërpërgjigja policore po krijojnë dy llogore që luftojë për një kauzë që nuk po duket reale. Fjala është për një kënd lojërash për fëmijet, i cili në fakt, nisur nga pamjet i ka hapur rrugën hedhjes së betonit në një zonë të gjelbëruar, e fundit e mbetur disi e imunizuar nga ngjyra gri.

Kryetari i Bashkisë Erjon Veliaj po i jep vetes vetëm një aspekt funksional në detyrë: të duket mirë në televizor dhe përpara shefit të vet, Edi Rama. Ndonëse pati debate të shumta për taksat e reja që Bashkia e Tiranës ka vendosur së fundmi dhe që do të vilen përmes faturës së ujit, Veliaj, deklaron se në thelb kjo nuk është e vërtetë: sipas tij, ka thjesht një mënyrë të re vjeljeje të taksave që kanë qenë në fuqi. “Nuk ka ndryshuar asnjë taksë, është e njëjta faturë.

Pas rënies së Murit të Berlinit dhe Bashkimit të dy Gjermanive ishte e qartë për këdo se sistemi komunist kishte falimentuar dhe përfundimisht edhe transformimet demokratike filluan në të gjitha vendet e ish- lindjes komuniste. Ky proces i filluar nga Gorbaçovi në mëmëdheun e komunizmit me dy parullat emblemë : transparencë e pjesëmarrje, shkallë-shkallë preku të gjitha këto vende. Veç Shqipëria komuniste e Ramiz Alisë dhe Partisë së Punës, që nuk perëndon, nuk tundej nga istikami.

Sot kanë dëshmuar në Gjykatën e Lartë efektivët e policisë që kanë qenë prezent gjatë konfliktit mes fiseve Cali e Prenga për Lagunën e Patokut. Është fjala për ngjarjen që çoi deputetin e PS-së, Armando Prenga drejt përleshjes me armë dhe arrestimin e tij. Kuptohet deri sa të lirohej sërish e sot të jetë një deputet si gjithë të tjerët në Parlamentin shqiptar.

Është viti 2016 dhe me gjasë kanë mbetur vetëm dy persona që vijojnë të mbajnë fjalë nga tribunat që nga viti 1991: Sali Berisha dhe Gramoz Ruçi. Të gjithë të tjerët, që nisën rrugën politike 25 vite më parë, ose janë spostuar, ose janë tërhequr, ose kanë humbur rëndësinë që kanë patur. Kjo sidomos në Partinë Socialiste që ka kaluar disa trauma të brendshme, të etiketuara shpesh si reforma dhe zhvillim demokratik i brendshëm.