Blloku Alternative

Zyra për shtyp e kryeminsitrit ka shpërndarë një njoftim për të sqaruar spekulimet mediatike që sipas saj janë ngritur mbi udhëtimin e çiftit Edi dhe Linda Rama në Shtetet e Bashkuara të Amerikës.

Njoftimi thotë se “Kryeministri Edi Rama sëbashku me bashkëshorten do të kalojnë tre ditë në SHBA, të ftuar për të marrë pjesë në një gëzim familjar të miqve të familjes së tyre. Çdo koment tjetër mbi këtë udhëtim është spekulim”.

“Tesla” është marka e një makine elektrike që prodhohet në Holandë. Ka shitur 50 mijë njësi këtë vit dhe siç raporton “Bloomberg” pretendon të shesë 500 mijë njësi më 2020-ën. Holanda është vendi me prodhimin e dytë më të lartë në botë të makinave elektrike, pas Norvegjisë. Në Amsterdam edhe taksitë janë “Tesla”. Fabrika që po i i hap rrugën kështu një lloji tjetër makine, pa karburant, pra pa ndotje, është në Tilburg. Më poshtë disa pamje: 

Një muzikant, Pablo Carlos Budassi, ka krijuar në një imazh të vetëm atë që konsiderohet si universi i vëzhgueshëm. Ai ka shfrytëzuar hartat logaritmike të universitetit të Princeton dhe imazhe të NASA-s. Në qendër është sistemi diellor dhe Dielli ynë, të pasuar nga Rruga e Qumështit, krahu i Perseut në galaktikën tonë, një unazë e galaktikave më të afërta si Andromeda dhe pastaj me radhë. 

Minutat janë shumë të rëndësishme. Dhe kjo provohet mirë në rastin e dy binjakëve të lindur në San Diego të SHBA-së: një prej fëmijëve lindi në minutën finale para ndërrimit të viteve, kurse i dyti, pak minuta pasi kishte hyrë viti i ri. Në dokumente i ndan një vit, edhe pse erdhën në jetë me pak minuta diferencë. 

http://www.nbcsandiego.com/news/local/San-Diego-Kaiser-Permanent-Zion-Ne...

Disa shkencëtarë në universitetin e Athinës janë përpjekur që të përcaktojnë me saktësi kohore veprimet dhe ngjarjet e poemave homerike: Iliadës dhe Odieseas. Referuar atyre që përshkruhen në poemë, në lojë kanë hyrë edhe astrofizikanët. Të paktën për ngjarjet poemës “Odisea” ku vepron heroi me të njëjtin emër. “Ne besojmë se historia na shpalos disa ngjarje reale. Odisea arriti në Itaka më 25 tetor 1207 p.e.s. Pesë ditë më vonë një eklips diellor u regjistrua në detin Jon. Në këtë ditë Odisea vrau pretendentët.

Artisti John Gurche ka realizuar këto pamje të rendituar sipas ciklit evolutiv njerëzor. Në vetëm dy minuta mund të shihet sesi ka ndryshuar pamja e njeriut, sipas pikëpamjes së teorisë së evolucionit.

Rusët kanë ndërtuar në vitin 1990 një Kishë Ortodokse në një bazë në Antarktidë. Një kishë që mund të mbajë deri në 30 vizitorë dhe që shërben edhe në spanjisht, meqenëse afër bazë ka një stacion kilianësh. Kisha quhet Kisha e Shën Trinisë. 

Një astronom amator, Emmanuel Conseil, ka zbuluar një yll të ri në galaksinë Triangulum, 2.7 milionë vjet dritë larg. Conseil ka përdorur një obervator të vendosur në ishujt Canarie, Slooh, i cili mund të shfrytëzohet edhe online. Ky “yll i ri” që është zbuluar, konsiston në një një shpërthim gjigand bërthamor që ndodh kur një xhuxh i bardhë vjedh lëndë – kryesisht hidrogjen – nga yëhet fqinje. Kur mbledh majftueshëm nga kjo lëndë, shkatohet një reaksion i fuzionit bërthamor që e shpërndan materialin në hapësirë. Kjo që ndodh bëhet e dukshme disa muaj më vonë.

Foton bashkëngjitur na e ka dërguar një lexues i respublica.al, i cili na shkruan se ia ka bërë në Tiranë (pranë shkollës së baletit) Jamie Vardy-t, golashënuesit më të mirë të Leicester City-t. Lecester City kryeson kampionatin anglez me pikë të barabarta me Arsenalin.

Nuk mund të vërtetojmë origjinalitetin e fotos, por ky djali në foto ose është Jamie Vardy, dora vetë, ose është binjaku i tij që jeton ose ka vizituar Tiranën.