Erdogan i shqetësuar për dhunën ndaj “jelekëve të verdhë”

Shqetësimin për atë që po ndodh në rrugëte Europës ka shprehur edhe Rexhep Taip Erdogan, duke thënë se Turqia është kundër "kaosit të shkaktuar nga jelekët e verdhë", por nuk pajtohet me "dhunën joproporcionale" kundër demonstruesve.

"Nga pamjet që pamë kuptuam se leksionet e europianëve për demokraci, liri dhe të drejtat e njeriut mbeten vetëm brenda katër mureve të shkollës"- tha presidenti turk.  

"Skenat nga protestat në Francë tregojnë dështimin e Evropës me demokracinë, të drejtat dhe liritë e njeriut. Siguria dhe prosperiteti i Europës nuk kërcënohen nga emigrantët apo muslimanët, por nga qytetarët europianë. Ata që kanë nxitur ndjenjat kundër emigrantëve dhe islamofobinë për hir të populizmit politik, tani bien në kurthet e tyre"-shtoi Erdogan.