TAP përfundon 50% të punimeve, gazi i parë vjen në 2020

Përfundimin e 50% të punimeve  të gazjellësit TAP në drejtim të fushave të studimit, prokurimit dhe ndërtimit, njoftoi sot konsorciumi  TAP 16 muaj pas fillimit të projektit. Kontraktuesit e TAP kanë pastruar dhe shtrirë në tokë rreth 70% të tubacionit në Greqi dhe Shqipëri (539km nga një total prej 765km).

Rreth 95% e 55,000 tubacioneve që do të përdoren për të ndërtuar rrjetin janë shkarkuar në Greqi, Shqipëri dhe Itali. Tubacioni i fundit i gypave për seksionin nënujor të tubacionit u shkarkua në Brindisi, nga 3 deri më 6 shtator 2017. Më shumë se 5,500 njerëz punojnënë të tri vendet ku kalon projekti, ndërsa 85% e stafit janë të punësuar nga komunitetet lokale."Ne jemi afër objektivit për të ofruar gazin natyror nga fushat e Shah Deniz II në vitin 2020, duke futur një burim të ri dhe të nevojshëm të energjisë në rrjetin energjetik evropian," tha CEO i TAP, Luca Schieppati.

"Ekipet tona punojnë me kujdes të madh përgjatë rrugës për të siguruar që toka në të cilën është përfunduar ndërtimi t'u kthehet pronarëve ose përdoruesve në gjendjen e tyre origjinale ose më të mirë. Ne gjithashtu punojmë me autoritetet dhe organet vendore për të siguruar që përfitimet e projektit të arrijnë te të gjitha komunitetet përmes të cilave kalon tubacioni ". Në përgjithësi, TAP do të investojë mbi 55 milionë euro në iniciativa sociale dhe mjedisore në Greqi, Shqipëri dhe Itali.

http://www.huffingtonpost.gr/2017/09/07/eidiseis-oikonomia-etoimo-pano-a...