Investimet publike në udhëkryq, realizohen vetëm 44% e tyre

Investimeve publike kanë mbetur në udhëkryq. Realizimi i tyre nuk është në nivelin e pritshëm për periudhën 8 mujore të këtij viti. “Tv Scan” raporton se sipas Drejtores së Investimeve në Ministrinë e Zhvillimit Ekonomik, Ilda Malile, për këtë vit investimet publike janë planifikuar në vlerën e 63.3 miliardë lekëvë, nga të cilat 35.2 miliardë lekë me financim të brendshëm dhe 28 miliardë lekë me financim të huaj. Ndërkohë realizimi për 8 mujorin është përkatësisht në masën 46 % dhe 43 %. Ndërsa lidhur se cilat dikastere kanë performancë më të mirë apo më të keqe, Malile përgjigjet: “Vetëm pak kohë më parë qeveria ndryshoi buxhetin e këtij viti me anë të një Akti Normativ, ndërkohë që zëri i investimeve nuk u prek, ndërsa pati vetëm rialokime fondesh për ato objekte që janë në përparësi punimesh”.