Censusi, kush po tallet me shqiptarët siç u tallën me mua?
Sapo u ktheva nga një kafe me miqtë dhe mësova që formulari im i Censusit ishte plotësuar. Dhe e bukura në këtë pikë është që as më pyeti kush dhe as nuk e di çfarë ka shkruajtur ajo goca e re dhe e raskapitur nga lodhja, që kish trokitur në derën e shtëpisë sime.
Ndihem i fyer dhe i zhgënjyer nga shteti im. Jam i indinjuar me mënyrën si tallen me këtë popull. Jam i trishtuar për fatin e këtij kombi, që nga dora e maskarenjve po humbet identitetin. Ndoshta këto fjalë janë dhe nga mllefi i kësaj historie:
“Sapo hyra në shtëpi, më priti bashkëshortja duke më thënë, se sapo na regjistruan, dhe si pa e kuptuar kishin bërë dhe regjistrimin tim.
Tek dera ish paraqitur një gocë e re dhe e lodhur. I kish thënë sime shoqeje, që “jam nga INSTAT-i”, por nuk i kish thënë as emër e as dokument. “Jemi për regjistrimin”, ish mjaftuar të thosh. “Ok”, i ish përgjigjur bashkëshortja ime. Zonjusha në fjalë filloi të bënte pyetje pa marrë asnjë dokument nga ne.
Gjatë pyetjeve kishte dhe shumë pyetje: po burri? Kur pyeti “po besimi fetar i burrit?”, bashkëshortja e kishte pyetur, nëse po plotësonin formularin e saj apo të burrit me gjithë ato pyetje rreth burrit të saj. Përgjigja e gocës ishte: Po plotësojmë formularin e burrit.”
Të dashur shqiptarë, të nderuar njerëz të media-s, e çnderuara politikë … më thoni se si bëhet me formularin tim, ndërsa unë nuk e di çfarë është shkruar në të? As bashkëshortes nuk i është dhënë mundësia të shihte se si ishin plotësuar formularët. Unë jam shqiptar, jam mysliman, dhe e deklaroj hapur këtë, por vallë ç’është shkruar në formularin tim?
U bëj thirrje të gjitha instancave të jenë transparente me regjistrimin. Unë, Besmir Semanaj, dua të shikoj formularin tim, dua të shikoj formularin e familjes sime. Mua sot më është shkelur e drejta më minimale, e drejta që të deklarohem për veten time.
Nëse sot na përdhosin në këtë mënyrë, çfarë duhet të presim nesër…
Jam ne pritje te nje pergjigjeje nga instancat perkatese. Ose do i drejtohem gjykatës me shpresën që diku do gjej drejtësi.
Comments
Para disa
<p> Para disa ditesh ,me nje sebep,isha mik me te gjithe bashkeshorten tek baxhanaku ose me mire tek kunata.gjate bisedes e rrekellisjes se ndonje gote rakie meqenese ishte ne "leme" e siper morrem vesh qe vajza e vogel e tij ishte aktivizuar me ata te rregjistrimit.Si me kot i beme nje"' interviste" vajzes me master shkencor ne shkencat sociale e te papune...Na rrefeu menyren e te punuarit per plotesimin e objektivit te 1OO familjeve.Prane cdo dere te trokitur ,hapte nje fletore me katrore ,me nje laps plumbi here te prehur here pa maje , dhe mbante shenime ne "sofat" cfare i deklaronte i porsashfaquri ballas per te gjithe ata qe rrinin pas dere . Shkruaj e shkruaj me laps plumbi ne fletoren me vija dhe kur mbaronte "normen ditore" , njoftonte ne telefon pergjegjesin e grupit te saj qe perfundoi shenimet ditore me laps plumbi ne fletoren me vija , dhe pergjegjesi linte oren e i shkonte ne shtepi . Ne dhomen e pritjes se baxhanakut apo kunates uleshin te dy dhe "reviziononin" shenimet me laps pumbi ne fletoren me vija , dhe pas vertetimit te "saktesise" se tyre fillonte hedhja me "stilolaps blu" ne formularet e Gencit apo censusit , me ngadale , germe me germe , pa gabime ortografike... qe t'i "hante kollaj kompjuteri" ...ndersa per saktesine censusore apo statistikore nuk e grica qe te mos behesha tip "hetuesi''...Ky eshte censusi , qe do te "gjobise" qytetaret per te dhena te pasakta te deklaruara ne te , ne nje kohe qe qytetari s'di asgje se cfare eshte shkruar ndac per temat e nxehta e ndac per temat e ftohta..."'Patatja e perveluar" i ka mbetur Gencit ne dore , i cili besoj do t'ja hedhe statistikave dhe rezultatet do te jene sipas "midese " se Berishes , pasi ai kthen ne qejf te vet edhe letrat e firmosura , vulosura e me boje te pa perdale dhe jo me , me shenime me laps plumbi ne fletoren me vija qe e kontrollon vetem "perendija"...</p>
Sa thjeshte manipulohemi ne
<p>Sa thjeshte manipulohemi ne shqipetaret. Se kuptoj si mundet qeveria ( neveria ) te beje lojra me kete popull.</p><p>Kush do merre pergjegjesi? Z. Pollo greku prse nuk prononcoheni?</p>
Z. Semanaj, pergezime per
<p>Z. Semanaj, pergezime per shkrimin. Nuk jam i sigurt nese vertet do ta kerkosh deri ne fund te drejten tende, madje edhe duke shkuar ne Gjykate po u nevojit. Por po i vajte deri ne fund ti per mua kthehesh ne hero. <strong>Hero qe lufton kunder murtajes dhe koleres me te madhe qe ka pushtuar shoqerine shqiptare qe jane INDIFERENTIZMI ndaj te keqes dhe PAPERGJEGJSHEMRIA per te ardhmen e familjeve te tyre.</strong></p>
Mire qe kane ardhur e kane
<p>Mire qe kane ardhur e kane pyetur se mund te mos vijen fare dhe ta mbushin vete.... hahahaha.A eshte bere ndonje gje e sakte ne Shqiperi gjer me sot??? !!!!.Te drejten tende kerkoje kur hedh voten.Se po i dhe voten atij qe manipulon gjykatesit e prokuroret ,s ke te drejte as te ankohesh.Ankesa jote perfundon nekosh te plehrave.</p>
o ROB I SHITUR I
<p>o ROB I SHITUR I TURKUT,,,kerkon drejtesi ti..</p>
Add new comment