Yjet që nuk munden pa cigare.

Numri i duhanpirëse gjatë dekadave të fundit është zvogëluar, por pirja e duhanit ende është një shprehi mjaft e përhapur.

Disa figura të famshme janë “skllave” të kësaj shprehie, por e shmangin që të paraqiten në publik duke pirë duhan, për shkak të efektit negativ që mund të kenë tek fansat e tyre e më pas kjo të ndikojë negativisht edhe në karrierën e tyre. Ne ju prezantojmë disa nga bukuroshet, të cilat nuk po arrijnë të heqin dorë nga pirja e duhanit.

Adele konsiderohet si njëra ndër këngëtaret më të talentuara në botë. Për këtë arsye është befasi që me zërin e mrekullueshëm që ka, ajo është duhanpirëse e madhe, ku ka deklaruar se cigarja është gjëja më e dashur për të.

Kate Moss është njëra nga modelet më të popullarizuara në botë, e cila njihet për bukurinë dhe figurën vitale të trupit.

Ajo thotë se trupin e saj vital e ka falë pirjes së duhanit, nga i cili nuk mund të heqë dorë kurrë.

Kelly Osbourne edhe pse njihet si një përkrahëse e të ushqyerit vegjetarian, ajo është një duhanpirëse e rregullt.

Lana Del Rey njihet për stilin e saj të veçantë të veshjes, por edhe për faktin se rregullisht shihet me cigare në dorë, duke përfshirë edhe në fotot promovuese.