Parlamenti francez miraton thuajse me unanimitet paketën e ndihmës për Greqinë

Parlamenti francez i ka dhënë një mbështetje thuajse unanime paketës së ndihmës për Greqinë. Asambleja Kombëtare e Francës zhvilloi një debat, iniciuar nga Partia Socialiste në pushtet, në përfundim të të cilit 412 deputetë votuan pro mocionit të sjellë nga kryeministri Manuel Valls dhe vetëm 69 kundër. Ndërkohë në Athinë kanë nisur protestat kundër paketës së ndihmës që u miratua në samitin e Eurozonës. Kjo pasi kryeministri Aleksis Tsipras i tha “po” një sërë masave, të cilat shihen si në kundërshtim me frymën dhe votën e referendumit.
s.z