Nishani përfundon me pushime në Shëngjin. Vilat qeveritare në Dhërmi e Vlorë janë të prenotuara gjithë verën nga Rama e Meta

Tv Klan thotë se presidenti Nishani ka preferuar bregdetin Shëngjinit për të kaluar ca ditë pushim. Në një hotel të vogël familjar pranë zonës së njohur si “Rana e Hedhun”, shumë plazhistë vendas dhe të huaj këto ditë kanë parë të pushojë prane tyre, Presidentin e Republikes Bujar Nishani me bashkëshorten Odeta. 

Tepër sportiv dhe ndryshe  nga çishin mësuar ta shihnin në aktivitetet zyrtare,  presidenti Nishani nuk ka refuzuar edhe foto e takime me shumë pushues. 

Edhe pse Shengjini, dhe hoteli modest tek Rana e Hedhun, ishte zgjedhje e vetë Presidentit të Republikes dhe zonjës së tij, mësohet se nga drejtoria e Shërbimeve Qeveritare kreut të shtetit i është refuzuar mundësia për të qëndruar në rezidencat qeveritare. Me një shkresë zyrtare kjo drejtori, i është drejtuar kabinetit të presidentit  se as në rezidencën qeveritare të Vlorës dhe a

s në atë të Dhërmiut, Presidenti i Republikes nuk mund të shkojë, pasi këto dy rezidenca janë prenotuar për gjithë sezonin veror nga kryeministri Rama dhe kreu i Kuvendit  Meta.  

Tv Klan thotë se çdo president i meparshem, ka patur mundesinë e perzgjedhjes i pari të kohës së qëndrimit në rezidencat qeveritare, pastaj drejtuesit e tjerë të shtetit.

http://tvklan.al/nishanit-i-refuzohet-qendrimi-ne-rezidencat-e-dhermiut-...

l.m