Nis me Srebrenicën për të kaluar te Selenica. E paqartë cilin “ironizon” këshilltari i Edi Ramës, Ilir Metën apo Sali Berishën

Fate Velaj ka gjetur një mënyrë për të vënë në dukje injorancën që ai konstaton te deputetët e Parlamentit shqiptar; sugjeron që të lexohet një shkrim i tij. Bëhet fjalë për temën e Srebrenicës, për të cilën Këshilltari për Diplomacinë Kulturore dhe Rilindjen Europiane i kryeministrit të Shqipërisë, ka bërë një shkrim të posaçëm. Kuptohet, shigjeta niset drejt Saliut dhe të vetëve, por ka gjasë, që pa dashje ndoshta, pa e ditur, apo qëllimisht, të ketë përfunduar tek Ilir Meta. Ja se çfarë shkruan Velaj: “sot, te gjitha mediat kryesore ne vend, botuan shkrimin tim me titull “srebrenica”. te enjten, ne parlament, saliu ngriti ne kembe te gjithe deputetet qe ishin te pranishem ne salle per te mbajtur nje minut zi ne kujtim te te reneve gjate masakres se srebrenices.
u ngriten te gjithe...
shumica e tyre e ngaterojne srebrenica me selenica dhe kjo e dyta jo se kane qene ndonjehere aty por ju ka ngelur ne mendje nga zgjedhjet e fundit.
por, jam i bindur se po ti pyesh se cfare eshte srebrenica jam i sigurt se do pergjigjen: per cfare me merr mua ti, per te mbaruar. e di ti qe jam deputet i parlamentit shqiptare une!!! kot me ka zgjedhur populli mua?
per te mos thene qe asnje nga ata qe u ngriten ne kembe , as vete saliu "aq i ndjeshem" per te vraret atje nuk e ka gjetur kurre kohen te perfaqesoj veten duke vendosur nje lule ne emer te tij apo per te mos thene ne emer te parlamentit shqiptar ne kete vend te tmerrit dhe ndergjegjes se plagosur te shpirtit europa”. Së pari, edhe për Facebook, kjo cilësi drejtshkrimi është si e padenjë për Këshilltarin.... Së dyti, mendja Selenicë me shumë mundësi u është bërë lsi-stëve, jo Saliut me të vetët. Si ta lexojmë këtë qëndrim që na vjen nga kryeministria? Të jetë një sulm i papritur për Metën? Nëse shikojmë seriozitetin në drejtshkrim, jo.
s.z