Autostrada Tiranë – Durrës ndriçohet vetëm 7 km, 32 km e tjera në errësirë

Autostrada Tiranë – Durrës me dy standarte. Kanë kaluar pesë muaj nga dita kur autostrada Tiranë – Durrës, një nga rrugët interurbane me dendësinë më të madhe të qarkullimit të makinave, iu rikthye ndriçimi. Shtylla të larta të bardha, të vendosura në një distancë jo shumë larg nga njëra – tjetra u krijon shikueshmëri maksimale drejtuesëve të mjeteve. E shoqëruar kjo me sinjalizueset për natën dhe sinjalistikën e përshtatshme, e bën këtë autostradë të sigurtë për drejtuesit e mjeteve. Por kjo nuk ndodh deri në segmentin e fundit të saj. Enkelejda Mema, gazetare, Tv Klan raporton se standardit evropian i superstradës vazhdon deri në në kilometrin e shtatë. Por si funksionon ajo pas këtij kilometri? Gazetarja e Tv Klan raporton “Mbikalimi te kthesa e Rinasit është shenja dalluese për drejtuesit e mjeteve se pas tij, autostrada dergjet në errësirë”. Asnjë nga shtyllat e vendosura në trafikndarësen e autostradës, nuk e kryen funksionin për të cilat janë vendosur. Ndriçuesin e rrugës në të dyja anët e kryejnë bizneset e ngritura aty. Drejtuesit e mjeteve duhet të mjaftohen me këtë ndriçim të zbehtë për të shquar më mirë rrugën dhe ndonjë këmbësor që mbikalimin, nuk arrin ta shohë në këtë errësirë dhe i bie shkurt, mespërmes autostradës.