Krateri më i vjetër në botë nuk është krater
Ai që mendohej se ishte krateri më i vjetër në botë mund të mos jetë fare krater. Në vitin 2012, një studim doli në përfundimin se struktura Maniitsoq në Groenlandë është një krater i krijuar nga një meteor i rënë në Tokë afërsisht tre miliardë vjet më parë. Tani studiuesit nga Australia, Kanadaja, Danimarka dhe Groenlanda thonë se ky pretendim bie poshtë.
Sipas rezultateve të studimit të tyre, botuar më 1 mars në revistën “Earth and Planetary Science Letters”, shkencëtarët nuk gjetën prova të proceseve të përmendura nga kolegët e tyre.
"Kristalet e zirkonit në shkëmb janë si kapsolla të vogla kohe. Ato ruajnë dëmtimin antik të shkaktuar nga valët e goditjes që gjeneron një meteor kur bie. Ne nuk gjetëm dëmtime të tilla në to", tha Chris Yakymchuk, profesor asistent në Universitetin e Waterloo dhe bashkautor i studimit.
Për më tepër, ata thonë se proceset në fjalë, të tilla si modele të ndryshme magnetike në shkëmb brenda kraterit në fjalë, mund të jenë shfaqur për shkak të proceseve normale gjeologjike.
"Unë përpiqem jem mendjehapur për gjithçka në shkencë, veçanërisht derisa t’i shikoj vetë shkëmbinjtë. [Por] pasi pashë shkëmbinjtë, mbeta pa fjalë. Këta nuk duken aq të ndryshëm nga shkëmbinjtë që kam parë diku tjetër në botë.' Pra, ose ne kemi humbur strukturat e impaktit kudo në Tokë ose kjo nuk ishte e vetmja ", tha profesori Yakymchuk.
Studiuesit gjithashtu zbuluan se kishte shumë pika në strukturën Maniitsoq, ku shkëmbinjtë ishin shkrirë dhe rikristalizuar thellë në Tokë, një proces i quajtur metamorfizëm. Kjo do të kishte ndodhur menjëherë nëse do të gjenerohej nga një impakt. Sidoqoftë, ekipi vlerëson se metamorfizmi në Maniitsoq ndodhi 40 milionë vjet më vonë se sa sugjeroni studimi i vitit 2012 dhe nuk mund të lidhet me impaktin e një meteori.
Comments
XyZ
Hapini ndonje here ne pushim te ndeshjes librat e gjuhes shqipe. "Krateri nuk eshte krater" shkruani ju. C'kuptim ka kjo shprehje? Psh e kuptoni ju shprehjen "njeriu nuk eshte njeri?" Mesojeni se krater ne shqip eshte gryke vullkani. Ose ndryshoni fjalorin e gjuhes shqipe.
Add new comment