Shkodër, plagosje me armë zjarri policia në kërkim të autorit.

Një plagosje me armë zjarri ka ndodhur në qytetin e Shkodrës, në lagjen “Rus”. I plagosuri është Ylli Çele 32 vjeç, fatmirësisht jashtë rrezikut për jetën. Ai ndodhet në spitalin e Shkodrës, ndërsa është plagosur me tre plumba në këmbë.

32-vjeçari dhe autori i plagosjes njiheshin me njëri-tjetrin, ndërsa pasi kanë debatuar Çele është qëlluar.

Sipas policisë, autori është larguar menjëherë nga vendi i ngjarjes, duke përfituar edhe nga errësira. Policia ka mundur të identifikojë autorin dhe po punon për arrestimin e tij.

Korçë, plagoset me thikë 19-vjeçari

Dhe në Korçë një përleshje me thike mes dy të rinjsh ka përfunduar me një të plagosur. Sipas policisë së qytetit jug-lindor një 19-vjeçar është plagosur me thikë në krahë nga kushëriri i tij i parë.

Ngjarja ka ndodhur në fshatin Dersnik. I plagosuri ndodhet në spitalin rajonal të Korçës jashtë rrezikut për jetën.