Ekstradohet nga Italia 40-vjeçari i dënuar me burg të përjetshëm

Një 40-vjeçar është ekstraduar nga Italia, ndërsa ishte dënuar nga drejtësia italiane. Gerd Gjinari është transferuar pas njohjes nga ana e Ministrisë së Drejtësisë  të Vendimit Penal Italian.

Ky shtetas do vuaj dënimin në Shqipëri, pasi është i dënuar me burgim të përjetshëm nga Drejtësia Italiane.
 
Në vitin 1997 në Milano të Italisë, Gjinari ka qëlluar për vdekje me armë zjarri shtetasin shqiptar N. Z, duke konsumuar Veprën Penale të “Vrasjes me paramendim në bashkëpunim”.

Në aeroportin Nënë Tereza në Rinas ky shtetas iu dorëzua përfaqësuesve të Drejtorisë së Përgjithshme të Burgjeve.