Tre civilë të vrarë nga dronët rusë në Odesa

Tre civilë u vranë gjatë një sulmi me dron rus në qytetin Odesa në Detin e Zi, në orët e para të së shtunës, pasi mbetjet e dronit ranë në një bllok apartamentesh dhe shkaktuan zjarr, tha ushtria ukrainase.

Mbrojtja ajrore në rajonin e Odesës rrëzoi tetë drone "Shahed" dhe dy raketa pas një serie sulmesh ajrore gjatë natës në qytetet ukrainase në javët e fundit, tha një zëdhënës i komandës ushtarake jugore, raporton Reuters.

Mbetjet e njërit prej dronëve ranë në katin e fundit të një pallati, duke shkaktuar zjarr. 27 persona, përfshirë tre fëmijë, u plagosën, ndërsa 12 të tjerë u shpëtuan.