Bllokimi nga Italia dha efekt, 92% më pak emigrantë

2018 shënoi reduktimin të ndjeshëm të personave që hyjnë ilegalisht në Europë.  Sipas të dhënave më të fundit  të Frontex, numri i emigrantëve të paligjshëm ra në 150,000 ose 92% më pak krahasuar me një milion që hynë në Europë në 2015.

Arsyeja kryesore për rënien dramatike e numrit të emigrantëve të paligjshëm që tentojnë Europën është bllokimi nga Italia i rrugës Qendrore Mesdheut. Në 2018 në Itali u regjistruan vetëm 23 mijë hyrje të paligjshme, numri më i ulët që nga viti 2012,

Largimet nga Libia u ulën me 87%, ndërsa nga Algjeria me 50%. Largimet nga Tunizia nuk ndryshuan, megjithatë emigrantët nga Tunizia dhe Eritrea përbëjnë një të tretën e njerëzve që përdorin këtë rrugë. Në Spanjë, emigrantët  ilegalë u dyfishuan dhe arriti në 57,000, çka tregon se rruga përmes Marokut dhe Gadishullit Iberik është më "popullorja" në Evropë. Maroku është pika kryesore e nisjes për ata që përdorin rrugën e Mesdheut Perëndimor, ku shumica e emigrantëve janë marokene.

Edhe në Qipro, megjithatë, numri i emigrantëve të paligjshëm u dyfishua në vitin 2018. Shumica e emigrantëve që vijnë nga Mesdheu Lindor janë  nga Afganistani, Siria dhe Iraku, ndërsa ata që kalojnë në mënyrë të paligjshme kufirin turk janë kryesisht turq. Për vitin 2018, Frontex grumbulloi demografike të detajuara të emigrantëve të paligjshëm. Bazuar në këto të dhëna, gratë përbënin 18%, ndërsa një në pesë ishin të mitur. Gjithsej 4,000 të mitur të pashoqëruar hynë në mënyrë të paligjshme në Bashkimin Evropian në 2018.

https://frontex.europa.eu/media-centre/news-release/number-of-irregular-...