Kryetari i PS-së/Një variant është ndryshimi i Statutit. "Mocion ndaj kryetarit me vetëm 500 firma"

Pozicioni i Edi Ramës në krye të PS-së është vënë në diskutim për nga legjitimiteti statutor. Dhe rrëfenjat me laburistë, që janë shtënë në punë, duket se nuk kanë ngjitur edhe aq, sa kohë që një kryetar dhe kryeministër që ka 7 vjet në detyrë, duhet të ketë kurajën që të pranojë garën. Nuk dihet se çfarë do të ndodhë në Kongresin e 19 marsit, por një sugjerim mund të jetë edhe ndryshimi i Statutit. Kjo uk është zyrtare, por sot, “shqiptarja.com”, raportonte se nuk përjashtohet ndryshimi i nenit 30 të Statutit, ku përcaktohet se mocioni ndaj Kryetarit bëhet me 1/3 e firmave të anëtarësisë. Ky nen, sipas burimeve të kësaj gazete, mund të ndryshojë e të riformulohet në “1/3 e delegatëve të Kongresit”, që shkon në 500 firma. Por a bën sens dhënia e kësaj të drejte delegatëve, kur kryetari zgjidhet me votim të anëtarësisë? Në çdo rast kjo i ngjan një loje juridike, e cila konfirmon se pozicioni i Edi Ramës për legjitimitetin e tij në raport me Statutin, nuk është bindës. As për të vetë, sa kohë bën "konçesione" të kësaj natyre. Sa e vërtetë është kjo mbetet për t’u parë.

http://shqiptarja.com/politike/2732/ndryshime-n--statut-mocion-kreut-t--...