propaganda

Juan Delcan dhe Valentina Izaguirre të “RAND Corporation”, kanë krijuar një video me elementë grafikë të propagandës sovjetike nën kozmetikën e mjeteve të reja të informacionit. 

Kjo copëz e shkurtër tregon sesi propaganda ruse përhapet dhe sesi ajo e ndikon audiencën duke e argëtuar, çorientuar dhe përmbytur atë

shkruhet në faqen e “RAND”. 

Videoja është shumë elegante për gjetjen e vet grafike, por përmbajtja e saj nuk i korrespondon realitetit sa kohë me krizën ukrainase u kuptua se propaganda ruse nuk kishte manipuluar kënd.

Kryeministri Edi Rama postonte sot këtë foto në Facebook duke bërë këtë koment:

Titulli i “fotolajmit”: Dy pamjet e mandatit të tretë.

Siç mund të jetë vënë re, z. Rama po e thjeshton përherë e më shumë mesazhin e vet, i cili ka politike vetëm faktin se i mvishet një autoriteti publik.

Diskutimi i fundit në emisionin “Open” në Top-Channel për akuzat e ngritura ndaj Lulzim Bashës për implikimin e tij në hetimin dhe përpilimin e akuzave ndaj përfaqësuesve të UÇK-së ka nxjerrë thuajse zbulua njëanashmërinë e një televizioni kombëtar. E ashtuquajtura vijë editoriale është diçka normale, madje etike kur shpallet. Por vija editoriale përgjithësisht me kauza dhe çështje publike, jo emra.

Lëmshit të menaxhimit të pandemisë i është shtuar sot edhe një tjetër nyje. Një shkencëtar nga universiteti i Yale në SHBA, epidemiologu Harvey Risch, ka deklaruar gjatë një interviste televizive se përdorimi masiv i hidroksiklorokinës mund të shpëtojë në Amerikë 75 000-100 000 njerëz.

Unë besoj se ilaçi mund të përdoret si profilaktik për punonjësit e vijës së parë siç është bërë në Indi

Dërgimi i mjekëve dhe infermierëve në Itali ishte një politikë e gjestit, e vullnetit të mirë që në fakt duhet përkrahur. Patjetër që z. Rama diti jo vetëm ta realizojë këtë si shprehje të vullnetit të mirë dhe fisnikërisë në këto kohë të vështira për Italinë fqinje, por edhe ta marketojë atë ashtu siç duhet. Me një mesazh në shqip dhe italisht, duke goditur emocionalisht.

Që nga shkatërrimi i skulpturës së diktatorit Enver Hoxha, si rrallëherë më parë gjatë historikut të protestave në vend, qytetarë të pakënaqur, veç godinës së Kryeministrisë, sulmuan dhe dëmtuan edhe veprat e artit të ekspozuara në mjediset jashtë saj. Kështu ndodhi me skulpturën e ndriçuar të artistit Philippe Parreno, titulluar “Marquee” (“Tenda”) dhe skulpturën “Triple Giant Mushroom”, (“Kërpudha gjigante trepjesëshe”) e Carsten Höller. Bashkë me “Rilindjen”, dy skulpturat shënjuan periudhën e Edi Ramës si Kryeministër i vendit.

Është e panevojshme që në këtë kohë e në këto rrethana të papërshtatshme politike, të ndizet debati rreth bashkëpunimit të opozitës për të kordinuar protestat kundër Thaçit.

Ambasadori rus në Tiranë, Aleksander Karpushin, i ka dhënë një intervistë Televizionit Publik Shqiptar përmes së cilës ka komentuar zhvillimet më të fundit që prekin vendin e tij. Një pjesë inetresante e intervistës dhënë për emicionin “Java” është ajo për ekzistencën e një lobi apo ndikimi rus në Shqipëri e Ballkan. Sipas Karpushin, kjo prirje për të kërkuar armiq është e rrezikshme:

Tashmë është e qartë për të gjithë: pushteti i Tiranës po konkuron për të imponuar të vërtetën e vet që divergon me atë që ndodh përditë. Ka disa mënyra që janë shtënë në punë për këtë: së pari është fitorja elektorale që po shitet si përgjegjësi kur ajo është krejt e kundërta. 

Së dyti është dukuria e bashkëqeverisjes elektronike, ku populli merr pjesë me hallet e veta përmes mesazheve në kompjuter. 

Së treti është një lloj kriminalizimi i medias shqiptare që pavarësisht problemeve monitorohet nga pushteti dhe mbi të ngrihet edhe çdo fabul mëngjesore. 

Gazeta britanike “The Guardian” raportonte dje për një plan të Kremlinit për të destabilizuar Ballkanin, sidomos Maqedoninë, plan për të cilin ajo pretendon se disponon apo ka parë dokumente origjinale sekrete. Aktiviteti i Rusisë ka zgjatur një dekadë përmes përhapjes së propagandës, sidomos në Maqedoni, me synimin e gjerë të vendosjes së influencës ruse në vendet e ish-Jugosllavisë. Moska është përpjekur të ndalojë hyrjen e tyre në NATO, çka pretendohet se shkruhet në materialet e siguruara nga Projekti për Raportimin mbi Krimin e Organizuar dhe Korrupsionin.