liban

Izraeli ka nisur në Liban atë që e quajti ofensivë tokësore e kufizuar. Forcat e Mbrojtjes të Izraelit (IDF) njoftuan nisjen e "sulmeve tokësore të lokalizuara dhe të shënjestruara bazuar në inteligjencën e saktë kundër objektivave dhe infrastrukturës terroriste të Hezbollahut" në fshatrat afër kufirit Izrael-Liban.

Libani mund të dalë nga kriza nëpërmjet mbështetjes së Fondit Monetar Ndërkombëtar. Marrëveshja pritet midis janarit dhe shkurtit, bëri të ditur televizioni libanez, Al Jadeed, duke cituar zëvendëskryeministrin.

Saadeh al-Shami citohet të ketë thënë se komiteti ministror ka rënë dakord me guvernatorin e bankës qendrore për një shifër prej 69 miliardë dollarësh për humbjet në sektorin financiar.

FMN do ta shqyrtojë këtë kërkesë, një hap ky që shihet vendimtar për qeverinë e Libanit, e cila kërkon të negociojë një program mbështetjeje.

Dy varre masive që përmbajnë eshtrat e 25 kryqtarëve, të vrarë në një konfrontim të armatosur në shekullin XIII në Tokën e Shenjtë, u gjetën dhe u analizuan në kështjellën e St Louis në Sidon, në Libanin e Jugut.

Plagët në eshtra sugjerojnë se ushtarët vdiqën nën goditjet e shpatave, shkopinjve dhe shigjetave.

Kriza politiko-ekonomike në Liban ka njohur një tjetër shfaqje në një sektor jetik si furnizimi me energji elektrike. Kompania turke, Karpowership ka ndërprerë furnizimin me energji pas 18 muajsh vonesë në pagesë nga qeveria ndërkohë që mbulon ¼-ën e sektorit. Sipas kompanisë qeveria libaneze i detyrohet 100 milionë dollarë, ndërkohë që nga ana tjetër ndaj saj ka akuza për korrupsion.

Karpowership ofron 370 megavatë energji nga 2 200 që është prodhimi total në Liban.

Mëria e presidentit turk, por edhe autoriteti i tij arrijnë larg. Përtej kufijve.

Ky gur është një gur, por nga “gërmimi” i fakteve ka rezultuar të jetë një pajisje përgjimi e sofistikuar e kamufluar në një gur. Guri është gjetur në qytetin Bani Hayan, në jug të Libanit dhe ishte i lidhur me kabëll elektrik, katër bateri dhe një kamera. Një pajisje përgjuese e vendosur aty nga izraelitët. Dhe raportohet se nuk është hera e parë. 

Një numër prej 19 000 refugjatësh në total kanë mbërritur në qytetin jugor gjerman, Mynih me tren gjatë fundjavës, njoftoi qeveria lokale. “Rreth 7 100 kanë prekur Mynihun të dielën, pasi më shumë se 12 000 mbërritën të shtunën”, deklaroi zëdhënësja e qeverisë bavareze.

Ndërkohë që BE-ja po lajmëron vendosjen e kuotave për pranimin e imigrantëve, Danimarka ka menduar një mënyrë të vetën për të shmangur dyndjen e tyre drejt këtij vendi. Mediat njoftojnë se qeveria daneze ka publikuar njoftime në disa gazeta libaneze përmes të cilave bën thirrje që imigrantët të mos i drejtohen Danimarkës. Njoftimi bën me dije se pse nuk duhet të shkosh në Danimarkë, mes të cilave është edhe kriteri i gjuhës. Kush do të marrë lejeqëndrim në Danimarkë duhet të mësojë danisht. Në thelb ky mesazh i qeverisë daneze është parandalues dhe i bën jehonë një shqetësimi në rritje.

Situata mjedisore në Beirut të Libanit, ka çuar në protestën e mijëra qytetarëve që kërkojnë dorëheqjen e ministrit të Mjesisit. Arsye është përhapja e mbeturinave në qytet, aq sa është krijuar edhe lëvizja “Ti qelbesh erë”. Protestat kundër ministrit Mohammad Machnouk nisën më 22 gusht, por ato lidhen edhe me korrupsionin.