Slideri Kryesor

Mediat opozitare serbe, krahas përfaqësuesve të opozitës, po flasin për një eksod të heshtur të serbëve nga Kosova. Përveç Nenad Çanak dhe Sonja Biserkos që kanë folur për krijimin e qendrave të reja të banimit në Sanxhak, gazetarë dhe profesorë në Beograd kanë përsëritur të njëjtën gjë. Profesori i jurisprudencës në Beograd, Miodrag Jovanoviç ka folur për një largim jashtë vëmendjes së mediave, për shkak se ngjarjet në Veri po zhvillohen shumë shpejt dhe serbët janë braktisur.

Ish-kryeministri italian dhe presidenti i BQE-së, Mario Draghi, ka prezantuar sot një raport 328  faqesh mbi konkurrencën e Bashkimit Evropian në Bruksel, me të cilin synohet ringritja e ekonomisë europiane dhe adresimi i sfidave me të cilat përballen Shtetet e Bashkuara dhe Kina. Dokumenti, i ndarë në pesë fusha kryesore (produktiviteti, reduktimi i varësisë, klima, përfshirja sociale dhe strategjitë sektoriale), përfshin 170 propozime, të cilat do të  përfshihen në letrat e misionit drejtuar komisionerëve të rinj të BE-së.

Kisha Ortodokse Autoqefale Shqiptare ka reaguar në lidhje me publikimin në rrjetet sociale të pasaportës diplomatike të Kryepeshkopit Anastas. Përmes profilit të "Radios Ngjallja", KOASH akuzon drejtorin e Arkivit të Shtetit për mashtrim dhe ndjekje të një axhende antiortodokse që nga marrja e detyrës.    

Presidenti turk, Rexhep Tajip Erdogan, ka bërë thirrje për krijimin e një aleance të gjerë të vendeve islamike për t’i dalë përpara "kërcënimit të ekspansionizmit", që sipas tij vjen nga Izraeli.

Alexis Tsipras ka goditur sërish. Përmes një manovre të brendshme të “Grupi 87”, ish-kryeministri i Greqisë ka vënë në lëvizje dhe ka miratuar një mocion ndaj kryetarit të Syriza, Stefanos Kasselakis.

Me 163 vota pro, Komiteti Qendror kaloi mocionin që detyron tani partinë të thërrasë një kongres të jashtëzakonshëm për të votuar një lider të ri.

Kryeministri Edi Rama parashikoi nga Asambleja e PS-së sot në Durrës se Partia Demokratiken ë zgjedhjet e ardhshme do të marrë po aq mandate sa mori në vitin 1997. Zoti Rama tha se “humnera është destinacioni i asaj partie”.

Për ta vënë në kontekst: në vitin 1997, PD-ja mori 25 mandate për rreth 340 mijë vota, kurse PS-ja 101 mandate për rreth 690 mijë vota. Me ardhjen në pushtet, Fatos Nano doli me idenë e një koalicioni, për të shmangur mesazhin e monopolizimit të pushtetit që kaq shumë i pëlqen sot z. Rama.

Profesorë të Fakultetit të Biologjisë në Beograd i janë bashkuar protestës së banorëve të Jadarit kundër minierës së litiumit që sipas tyre ka ndikim negativ në lumenjtë Drina dhe Jadar. Por presidenti aleksander Vuçiç i ka cilësuar profesorët si gënjeshtarë, pasi ata kanë vënë në dukje se deklarimet e qeverisë janë të njëanshme, inkorrekte, të pabazuara, kontradiktore.

Në fjalën e tij të mbajtur në Asamblenë e Partisë Socialiste, z. Rama, kryeministër dhe njëkohësisht kryetar i kësaj partie, përmendi në një hapësirë kohe edhe ngjarjen e Pogradecit. Sipas tij ngjarja u përdor politikisht “për të ndërsyer urrejtjen kundër nesh”, ndërkohë që asnjë prej akuzave mediatike të ngritura, nuk qëndronte në vlerësimin e z. Rama.

As se Pogradeci kontrollohet nga bandat, as se viktima ishte vrarë për një gjobë dhe asa se policia neglizhoi. Akuzat për z. Rama u ngritën “nga kundërshtarë tanë të rinj e të vjetër”.

Rreth 750000 izraelitë dolën në rrugë për t’i kërkuar kryeministrit izraelit arritjen e një marrëveshjeje për lirimin e pengjeve të mbetura në Gaza. Kjo është një nga protestat më të mëdha të mbajtura ndonjëherë në Tel Aviv, dhe vjen një javë pasi ushtria izraelite njoftoi se kishte nxjerrë trupat e gjashtë robërve nga një tunel në Gazën jugore.

Organizatorët thonë se 500 000 izraelitë morën pjesë në mitingjet në Tel Aviv dhe 250 000 të tjerë iu bashkuan tubimeve në qytetet e tjera të vendit.

Që nga arrestimi i tij në Francë, CEO i Telegram Pavel Durov është bërë personazhi kryesor në debatin nëse platformat e teknologjisë duhet të lejohen të vënë privatësinë individuale para sigurisë kolektive.

Por për autoritetet franceze, edhe vëllai më i madh i Pavelit, Nikolai, është në të njëjtin debat.