Slideri Kryesor

E nisën si Aleanca për Shqipërinë Europiane, shpallën një program që u quajt “Rilindje”, qeverisën me akuza për vrasje, vjedhje, mes skandaleve CEZ-DIA dhe sot flasin për transformim rrënjësor. Me çfarë termi ta përshkruash dashurinë e re të kryetarit të Bashkisë së Tiranës, Erjon Veliaj, i cili papritur ka zbardhur se në drejtimin e punëve ka aplikuar filozofinë e Ilir Metës.

Sot u publikua në disa media një lajm sipas të cilit qeveria bashkë më Bankën Botërore po mendojnë që të bëjnë të detyrueshme sigurimin nga tërmetet, apo edhe përmbytjet. Ndonëse nuk u publikua një draft nga projektligji që është duke u hartuar, ideja është e tillë që përmbi 500 orë reshje aplikohet dëmshpërblim, ndërkohë që për tërmetet dëmshpërblimi vlen përmbi 5 ballë të shkallës Rihter. Tarifa do të jetë e detyrueshme për çdo familje dhe mendohet që për tërmetet të jetë 50 euro në vit dhe kompanitë e sigurimit do të japin 20 mijë- 40 mijë euro maksimumi.

Paul Wolfowitz, ish-këshilltar i Presidentit Bush dhe një nga njerëzit e akuzuar si planfikues i luftës në Irak, ka dhënë një intervistë për gjermanen “Der Spiegel”, përmes së cilës ka bërë disa vlerësime edhe për situatën e sotme.

Wolfowitz hedh poshtë akuzën se ai është autor i luftës në Irak, ndërkohë që pranon se goidtja ndaj regjimit të Saddam Hussein, u bë jo mbi prova, por mbi bindje të përgjithshme. Ky është ndoshat edhe qëndrimi më skandaloz përderisa pranohet se një shtet u shkatërrua për nevoja imediate sigurie të një shteti tjetër dhe mbi bazë perceptimi.

Me zgjedhjet në Dibër, mazhoranca ka vënë në lëvizje edhe një premtim të dalë boje tashme. Ministri i Transporteve, Edmond Haxhinasto, i ka ardhur në ndihmë kandidatit Muharrem Rama, me një shpjegim të ri për rrugën e Arbrit.

“Besoj se shume shpejt do të konkludojmë ofertën e fundit të realizuar nga kjo kompani, dhe pastaj do të përcaktojmë hapat e mëtejshme për sa i takon këtij projekti të rëndësishëm”, theksoi ministri.
Projekti riaktivizohet për nevoja fushate elektorale, pasi termat e këtij projekti nuk janë bërë asnjëherë të njohura.

"Shqiptarja.com" shkruan se Byroja Kombëtare e Hetimit do të marrë në pyetje Izet Haxhinë, ish-truproja e Sali Berishës deri në vitin 1998. Ndaj Haxhisë ka një vendim gjykate, por ai ka qenë prezent në media duke rrëfyer ngjarje të së shkuarës. Nuk dihet sesi do të ndryshojë statusi i tij, por duket se ka një interes politik për të rihapur disa dosje të së shkuarës. Do të flitet për drejtësi, ndërkohë që drejtësia në ekonomi dhe në financa, aty ku është bërë shkatërrimi dhe vjedhja e vërtetë, po harrohet në sirtarët e aministisë më të fundit,

Autoriteti i Mbikëqyrjes Financiare ka ndryshuar qëndrim brenda dy ditësh. Nëse dje deklaronte se për çmimet e sigurimit të makinave vendos tregu, sot AMF-ja ka dalë me rolin e avokatit të konsumatorit.

“Bazuar në informacionin në dispozicion si edhe në përmbushje të misionit të tij rregullator, Autoriteti i Mbikëqyrjes Financiare duke i shërbyer mbrojtjes së konsumatorit është në ndjekje të situatës dhe po analizon mënyrën dhe procedurën e ndjekur nga shoqëritë e sigurimit në përcaktimin e tarifës së primit të sigurimit,” deklaron AMF në një njoftim të sotshëm.

Gazeta “Shëndeti” raporton për një urdhër të drejtorisë së Qendrës Spitalore Universitare në Tiranë për përgjysmimin e shtretërve të hospitalizimit në Spitalin Onkologjik.

Pavarësisht premtimeve për Rrugën e Arbërit e për rrugë të asfaltuara që do të lidhin fshtrat me Peshkopinë, pavarësisht premtimeve për kanale kulluese e vaditëse, dhe pavarësisht të fortëve e të inkriminuarve që mund të marrin pjesë në fushatën zgjedhore të Dibrës, rezultati i zgjedhjeve të 11 shtatorit do të varet nga përsëritja ose mospërsëritja e bashkëpunimit elektoral mes PS-së dhe LSI-së.

Para Ardit Gjoklajt një tjetër person ka humbur jetën në landfillin e Sharrës, por për këtë ngjarje shumë pak janë në dijeni pasi vdekja është mbajtur e fshehtë. Dëshmitarët i thanë Tema Tv se një grua rreth të 50-ave, nënë e dy fëmijë u vra aksidentalisht nga mjetet e kompanisë “3R” 6 muaj më parë. Sipas dëshmive shoferi i kamionit ka qënë i dehur, ndërsa firma “3R” e bleu heshtjen e familjarëve me lekë.

"TemaTv"

Kushtet e punës në landfillin e Sharrës nuk janë të përshtatshme për punonjësit. Ky është konkluzioni i nxjerrë nga Inspektoriati Shtetëror i Punës, pas kontrollit të ushtruar në kantierin e kompanisë “3R”, në Sharrë, menjeherë pas aksidentit. Ky inspektoriat nuk ka mundër të gjejë dokumentacion që vërteton punësimin e të riut në këtë kantier. "TemaTv"