Slideri Kryesor

Një ankesë e bërë në zyrën e Avokatit të Popullit nxjerr në dritë një tjetër skandal me Ministrinë e Shëndetësisë, mungesën e aparaturave për matjen nga rrezatimi jonizues i antenave celulare. Ankesa është bërë nga shtetasja O.S në dt. 09.04. 2014, në cilësinë e përfaqësues së disa banorëve të një pallati në rrugën “Stefan Kotelli” lagjja nr. 4, Korcë. Ajo është ankuar në disa institucione, për vendosjen e 3 antenave të kompanive celulare në tarracën e pallatit. Ankuesi O. S.

Amir Rrahmani, ish-mbrojtësi i Partizanit është i larguari i radhës nga kombëtarja e Shqipërisë për t’iu bashkuar përfaqësues së Kosovës. Në shembullin e Milot Rashicës edhe ai shpjegoi përmes një postimi se zgjodhi Kosovën për dy arsye, emocionale dhe sportive. Rrahmani bëhet kështu kosovari i katërt që i kthen mbrasht fanellën Federatës Shqiptare të Futbollit. Më së paku kjo është jo korrekte dhe fyese sepse futbollistët në fjalë kishin të drejtën të refuzonin Kombëtaren Shqiptare me të njëjtin argument se do luanin për vendlindjen e tyre.

Arben Ndoka, ish-deputet i PS-së, i cili dorëzoi mandatin në kuadër të procesit të dekriminalizimit, ka nisur të angazhohet me zgjedhjet në Dibër. Ndoka, i cili u bë protagonist i një sherri në Parlament, akuzohet se ka qenë i dënuar për prostitucion dhe emrin e tij, opozita parlamentare e ka mbajtur si qendër të akuzave. Ndaj Ndokës ka mbajtur qëndrim publik edhe Ambasada Amerikane, e cila mbështeti dhe sponsorizoi politikisht ligjin për dekriminalizimin. Por duket se PS-ja nuk ka një vendim politik për t’u distancuar nga persona që janë subjekt i ligjit për dekriminalizimin.

Kthesa diplomatike e Turqisë nis të reflektohet edhe në qëndrimin ndaj aleatit të Moksës në Lindjen e Mesme, Bashar Al Assad. Agjencia shtetërore ruse e lajmeve “Sputnik” raporton se forcat ushtarake turke kanë kryer qitje artilierie në veri të Sirisë kundër militantëve të ISIS afër Jarablusit, por edhe ndaj kurdëve peshmerga në Manbij. Sipas zyrtarëve turq, goditjet synojnë hapjen e një korridori për një operacion ushtarak, ndërkohqë i jep kundërpërgjigje sulmeve të fundit terroriste në vend.

Nuk janë vetëm Putin, Erdogan apo Bashar Al Asad që rikandidojnë. Ish-presidenti francez Nicolas Sarkozy njoftoi se do të garojë zyrtarisht për President i Francës në zgjedhjet e vitit 2017. Këtë e ka lajmëruar në një postim në Facebook ku shkruan: “ "I vendosur për të qenë kandidat në zgjedhjet presidenciale në vitin 2017. Mendoj se kam forcë për të udhëhequr këtë garë në një periudhë të trazuar të historisë sonë."

Hijet e Xhorxh Soros dhe hamendësimet për ndikimin e fondacionit të tij në qeveritë e majta kanë marrë një trajtë edhe më të besueshme pas publikimit të afro 2500 faqeve nga DC Leaks. Në disa prej këtyre dokumenteve theksohet rëndësia e madhe që kishte çështja e Ukrainës për miliarderin amerikan. OJF-të e krijuara prej tij u angazhuan në financimin e një fushate mediatike në mbështeje të grushtit të shtetit në Ukrainë dhe kundër retorikës ruse.

Influenca e Papërshtatshme? Ky është ai termi që mbiu si papritur në ligjin për Strukturën e Posaçme Antikorrupsion, konkretisht pika 3, neni 13. Në sajë të punës së ekspertëve dhe të një procedure misterioze inkuadrimi, neni ishte formuluar kështu:

“Çdo lloj influence e papërshtatshme e ushtruar mbi punën e prokurorëve të posaçëm apo aktivitetin e tyre mbi çështje konkrete përmes autoriteteve publike, mediave apo çdo mënyre apo personi tjetër që ndikon mbi pavarësinë e prokurorëve gjatë ushtrimit të detyrave të tyre ndalohet dhe dënohet me ligj".

Në Dibër po bëhet fushatë elektorale për postin e kryetarit të Bashkisë, pasi Shukri Xhelili i largua nga detyra. Nga e djathta parlamentare kandidat është ish-zv.ministri i Financave, Sherefedin Shehu, një njeri që vjen nga jeta politike. Nga e majta është doktori Muharrem Rama, i cili siç raportohet sot nga disa media ka zhvilluar edhe një takim me të rinjtë.

Thotë ndër të tjera Rama:

Sot Dallëndyshe Bici, kryeinspektore e Inspektoratit Kombëtar të Mbrojtjes së Territorit, ka reaguar me një deklaratë kundrejt akuzave të Partisë Demokratike për shtesën pa leje të pallatit të deputetit Sadri Abazi. Nuk është reagimi i rëndësishëm, por gjuha e përdorur në të, një gjuhë që e gjejmë zakonisht te deklaratat e OSHEE-së së Ardian Çelës. Nuk kuptohet nëse kemi të bëjmë me instotucione, ndërmarrje apo organe shtetërore, apo me degë të PS-së.

Ditët e fundit policia ka ndërmarrë një tur prezantimi në zonat bregdetare të vendit, duke çelur një panair ku ekspozon mjetet dhe logjistikën për t'i bërë ato më të prekshme për qytetarët. Në rolin e spikerit është vetë ministri i Brendshëm, Sajmir Tahiri dhe Drejtori i Policisë, Haki Çako.