Slideri Kryesor

Magjistrat. Ja puna që do të jetë ndoshta më e kërkuara në Shqipërinë e pas reformës në drejtësi. Rroga të majme, mbrojtje të jetës dhe të pronës, shërbime, shpërblime, këto janë pjesë e faturës marramendëse financiare për 1 000 njerëzit që po trajtohen si askush më parë. Vizion Plus raporton se këtyre incentivave financiare i shtohet edhe pensioni.

Kreu i PD-së, Lulzim Basha, shkruan sot në Facebook se deputeti i PS-së Sadri Abazi ka shtuar një kat pa leje në pallatin e tij në Tiranë.

Një tender prej 7 milionë euro është zhvilluar nga Operatori i Shpërndarjes së Energjisë për verifikim adresash. Një prej fituesve është gazeta “Çelësi” dhe sipas “shqiptarja.com” fituesit kanë dhënë ofertë 0.8% poshtë fondit limit.

Një nen që parashikon dënimin e gazetarëve nëse me komentet apo raportimin e tyre ndikojnë në pavarësinë e prokurorëve i formuluar në ligj si "influencë e papërshtatshme" rezulton të jetë i përfshirë edhe në Ligjin për Prokurorinë e Zakonshme. Debati nisi pasi u zbulua se ky nen ishte pjesë e projekligjit për Prokurorinë Speciale SPAK, por nënkryetari i Komisionit të Reformës në Drejtësi zbuloi sot se ky formulim pasqyrohet edhe në ligjin e Prokurorisë së Zakonshme.

Bashkitë në veri të Francës po ndjekin shembullin e njëra-tjetrës, duke ndaluar veshjet e mbukiara të grave myslimane në plazh. Pas bashkisë së Kanës edhe ajo e Nisës vendosi të premten të ndaloje burkinin në plazhet e saj, një veshje që mbulon gjithë trupin dhe lë të zbuluar vetëm fytyrën e femrës.

NEW: @realDonaldTrump's first general election ad. Hits Clinton on "rigged system," touts Trump on immigration --> pic.twitter.com/oJrKgQIH8o

— Hallie Jackson (@HallieJackson) August 19, 2016

Sot kryeministri Edi Rama me anë të një statusi në Facebook, mori në mborjtje punën e Erjon Veliajt në Tiranë. “Tirana po rilind çdo ditë, nën lidershipin shembullor të kryebashkiakut të ri dhe falë edhe programit kombëtar të Rilindjes Urbane, kryeqyteti është kthyer në kantierin e ambicies për Shqipërinë e Gjeneratës Tjetër”, shkruante Edi Rama sot.

Autostrada Tiranë-Elbasan, një nga investimet më strategjike të qeverisë së kaluar rrezikon të mbetet e papërfunduar. Kompania greke "Aktor", e kontraktuar nga qeveria shqiptare për ndërtimin e rrugës, rezulton të ketë dhjetëra milionë euro borxhe.

“Të dhënat e saj financiare, pranë Qendrës Kombëtare të Biznesit tregojnë se borxhi i “Aktor” në fund të vitit të kaluar ishte 7.4 miliardë lekë, ose 54 milionë euro. Më shumë se gjysma e këtij borxhi, rezulton të jetë ndaj furnitorëve të shoqërise”, raporton “Abc News”.

Ministria e Financave ka reaguar sot përmes një deklarate për të sqaruar se përse u ul tavani i patatueshëm për blerjet online. Në sqarimin e vet, Ministria i referohet një praktike të BE-së, por pa shtuar më tej asgjë, se për cilat arsye të brendshme u bë kjo gjë.

Thotë Ministria e Financave:

Kohët e fundit është folur për një takim të dy qeverive, asaj shqiptare dhe asaj serbe në kuadrin e planit gjerman për Ballkanin. Axhendën e këtij takimi e ka zbardhur kryeministri Rama, që ka shpjeguar se bëhet fjalë për një forum biznesi të ndërmjetësuar nga Banka Botërore.