Slideri Kryesor

Inaugurimi i Donald Trump në krye të presidencës amerikane po hap një mundësi për të parë sesi politika në Ballkan krediton veten me mburojnë e një fuqie të madhe dhe nuk ushqen ndonjë besim të madh në forcën e votës që pretendon se e respekton. Politika shqiptare, për aq sa shohim, ndoshta mban rekordin e kthimit të vasalitetit vulgar në një vlerë legjitimimi. Sot bëhet e ditur se republikani Fatmir Mediu që ndodhet në SHBA bashkë me Lulzim Bashën ka deklaruar se “administrata Trump do të ketë angazhim tjetër për Shqipërinë”. A ka njeri ta besojë këtë?

“Shqiptarja.com” shkruan sot se afera “CEZ” që u zbulua në Komisionin Hetimor të drejtuar nga socialistët ka krijuar kushtet për hapjen e hetimeve për shtetasit Nuel Kalaj, Kosovar dhe Shkëlzen Berisha, djali I ish-kryeministrit Sali Berisha.

Duket se ka kaluar edhe në persoanle. George Soros ka folur për presidencën Trump, 24 orë nga inaugurimi. Ai ka deklaruar se institucionet amerikane do të kundërshtojnë presidentin e ri amerikan dhe politikat e tij.

Çfarë ndodh nëse Donald Trump dhe zëvendësi i tij, Mike Pence, vriten ditën e inaugurimit. Këtë pyetje e sqaron rrjeti CNN në një material të publikuar dje që merr parasysh më të keqen. Radha i vjen Paul Ryan, kreu i Kongresit, mandej kreut të Senatit, të gjithë të pranishëm në ceremoni. Po sikur të gjithë të vriten? Protokolli i transferimit të pushtetit parashikon që përzgjedhja të fillojë nga një prej sekretarëve. Mirëpo sekretari i Shtetit Kerry jep dorëheqjen para inaugurimit.

Bill Gates paralajmëroi në Forumin Ekonomik Botëror të Davosit se  njerëzimi kërcënohet nga një formë e re terrorizmi për të cilën nuk jemi të përgatitur. Fondacioni Bill dhe Melinda Gates është pjesë e Koalicionit, i cili fokusohet në krijimin e vaksinave që mund të ndalojnë shpërthimin e sëmundjeve të ardhshme.

Por teksa  organizata ka rreth 700 milionë $ për të shpenzuar, Gates spreh shqetësimin ato nuk do të jenë të mjaftueshme për të ndaluar këtë lloj kërcënimi.

Gazeta Express i ka marrë një intervistë ish-kryeministrit të Maqedonisë, Nikolla Gruevski lidhur me zhvillimet në vendin fqinj, por më interes paraqet këndvështrimi i tij në raport me shqiptarët dhe kërkesat e tyre.  I pyetur për të drejtat e tyre dhe kërkesat e përfshira në marrëveshjen e fundit të partive shqiptare Gruevski thotë se nuk ka vend në rajon dhe ndoshta as në Evropë, i cili u ka dhënë më shumë të drejta komuniteteve më të vogla etnike sesa Maqedonia dhe se pas qëndrimeve të shqiptarëve qëndron multimiliarderi amerikan George Soros.

Zgjedhja e presidentit të parë afrikano-amerikan në "timon"  e Shtëpisë së Bardhë shtoi shpresat për reduktimin e diskriminimit dhe racizmit, por rezultatet përfundimtare të tetë viteve të Barack Obamës si President i Shteteve të Bashkuara tregojnë një përkeqësim të këtij problemi.

Bashkimi Demokratik për Integrim ka me zgjedhjet e fundit një deputet shqiptar ortodoks. Branko Manojlovski, nga Reka, aty ku ka shqiptarë të besimit Kristian në Maqedoni të cilët po zgjohen për të deklaruar identitetin e tyre. Është një nga dramat e heshtura që ka përshkruar kombin shqiptar elitat e të cilit jo rrallë kanë kushtëzuar këto shkëputje identitare. Në një intervistë për “Faktor 24”, Manojlovksi shpjegon se ka ardhur nga SHBA dhe do të dëshironte të ishte në seancën e parë konstituive të Parlamentit.

Policia e Shkodrës ka ndaluar mësuesen e Medresesë së Shkodrës, Emine Alushi, pas audioregjistrimit të transmetuar një ditë më parë në emisionin "Stop", ku ajo shfaqet duke bërë propagandë pro ISIS. Ka reaguar edhe Drejtori i Pergjithshem i Medresesë së Shkodres, Kujtim Dervishi, i cili është distancuar nga qëndrimet e mësueses.  Sipas tij, “ajo cfarë ka thënë mësuesja, subjekt i kësaj videoje nuk përfaqëson linjën zyrtare të Medresesë si Institucion Arsimor i KMSH dhe është krejtësisht e kundërt me atë cfarë ofron dhe synon shkolla jonë në procesin edukativ.

Ben Blushi ka zhvilluar sot një bashkëbisedim me gazetarët ku është përqendruar në çështjet e reformës zgjedhore. Blushi tha se ka kohë për votimin elektronik dhe një nga arsyet pse LIBRA, partia që ai drejton e kërkon këtë është edhe se një numër i madh anëtarësimesh në të, bëhen online. I pyetur për koalicionet Blushi tha se kjo është një çështje që do të vendoset nga anëtarësia në të ardhmen, ndërkohë që shtoi se “Shqipëria nuk ka opozitë”.