Slideri Kryesor

Në deklaratën e fundit zyrtare të FMN-së për Shqipërinë shkruhej: “Ekipi i FMN-së parashikon fuqizim të ekonomisë. Rritja e PBB-së vlerësojmë të ketë arritur në 3,4 për qind në vitin 2016 dhe parashikohet të përshpejtohet në rreth 4 për qind në periudhën afatmesme, e mbështetur kryesisht tek investimet e mëdha të huaja direkte në energjetikë dhe te një rritje e kërkesës konsumatore."

Njëqind vjet nga fillimi i Luftës së Parë Parë Botërore 61% e qytetarëve të botës janë të gatshëm për të luftuar për vendin e tyre. Studimi është bërë  nga ËIN / Gallup International në 63 vende të botës. Sondazhi vëren se ka dallime të rëndësishme në rajone të caktuara të globit.

Gatishmëria për të luftuar është më e lartë në rajonin e Lindjes së Mesme dhe Afrikës së Veriut me (83%), ndërkohë që më e ulët është në Europën Perëndimore me (25%). Jo ulët është predispozita për të luftuar edhe në Europën lindore me 53 % që i thonë po luftës.

Bota e sotme është e përmbytur nga problemet. Politikëbërësit duken konfuzë dhe të pasigurtë. Por asnjë problem nuk është më urgjent sot sesa militarizimi i politikës dhe gara e re e armatimeve. Ndalimi dhe ndryshimi I kahut të kësaj gare shkatërruese duhet të jetë prioriteti ynë kryesore. Situata e tanishme është shumë e rrezikshme. 

Vendimin për të mos dorëzuar në Turqi 8 oficerë turq të cilët kishin mbërritur në Greqi një ditë pas grushtit të shtetit kundër Erdogan, ka marrë Kolegji Penal i Gjykatës së Lartë. Të 8 ushtarë turq kishte mbërritur në (Aleksandropolis) me një helikopter ushtarak verën e kaluar, pas grushtit të shtetit të dështuar në Turqi.

Tenderi ndërkombëtar për të dhënë me koncesion për 99 vite zonën e lirë tekonologjike të Spitallës ka dështuar për herë të dytë, por kësaj here pa shumë bujë. Në bazë të dokumentacionit, ministria e Zhvillimit Ekonomik dhe Sipërmarrjes, ka hapur ofertat në datën 23 dhjetor të vitit që shkoi, por asnjë kompani nuk ka paraqitur interes. Burimet pranë kësaj ministrie thonë se Komisioni i Vlerësimit të Ofertave është mbledhur në ambientet e ministrisë në orën 10.00 të kësaj date, dhe pasi ka pritur disa orë, është shpërndarë.

Ambasada amerikane në Tiranë ka përsëritur sot mesazhet për përmbylljen e procesit të vettingut në gjyqësor dhe prokurorinë shqiptare duke njoftuar se për disa prej tyre ka refuzuar vizën hyrëse për në SHBA.

"Ambasada e Shteteve të Bashkuara ka revokuar vizat jo-emigruese për disa gjyqtarë dhe prokurorë shqiptarë pasi ka dalë në përfundimin që këta zyrtarë nuk kualifikohen për këto viza.  Për shkak se të dhënat e vizave janë konfindenciale sipas ligjit të Shteteve të Bashkuara, ne nuk mund të komentojmë mbi raste individuale.

Nikolla Gruevskit i kanë mbetur edhe katër ditë si i mandatuar për të krijuar qeverinë e re në Maqedoni. Por kush dëshiron të kuptojë se çfarë Maqedonie do të kemi nëse në krye të vendit vjen një zhurmues si Zoran Zaev, mjafton të kërkojë në arkiva Shqipërinë e vitit 2013. Pavarësisht ngjarjeve dhe akuzave nga më të mëdhatë, PS-ja e Edi Ramës nuk i fitonte dot zgjedhjeve vetëm. Çka provon se publiku kishte perceptuar se një pjesë e madhe e politikave opozitare udhëhiqeshin nga interesi strikt politik dhe ekonomik, pavarësisht skandaleve të qeverisë Berisha.

Konferenca e Kryetarëve në Kuvend nuk ka marrë në shqyrtim një kërkesë të PDIU-së për ngritjen e një komisioni për ngjarjet në Çamëri pas Luftës së Dytë Botërore. Pengesa për këtë nismë të partisë së Idrizit ka qenë Lëvizja Socialiste për Integrim, e cila ka kërkuar më shumë kohë për të shqyrtuar kërkesën. Kjo është përplasja e radhës mes dy partive që janë në garë se kush do të mbajë vendin e dytë në koalicionin e majtë.

Publicistja e njohur britanike, njohëse e rrethanave në Rusi, Mary Dejevsky, i tha Radios Evropa e Lirë, se zgjidhja e mundshme përmes një marrëveshjeje mes perëndimit dhe Rusisë do të ishte “njohja e autoritetit rus mbi Krimenë si shkëmbim që Rusia ta pranojë pavarësinë e Kosovës”.Ajo tha se për perëndimin që ka vënë sanksione ndaj Rusisë, “më produktive do të ishte të shihet se çfarë mund të merret në shkëmbim të pranimit se Krimeja nuk do t’i kthehet Ukrainës”.

Djali i ish-kryeministrit Berisha pritet të thirret në seancë dëgjimore nga Komisioni Hetimor për privatizimin e OSHEE. Maxhoranca mund të miratojë të premten kërkesën për të thërritur si dëshmitar  Shkëlzen Berishën për çështjen e lidhjes së marrëveshjes mes ish-qeverisë dhe kompanisë CEZ. Deputeti i PS, Ervin Koçi, tha se duhej thërritur si dëshmitar djali i Sali Berishës, pasi emri i ka dalë në e-mailet e drejtuesve të CEZ, po ashtu dhe nga juristi i OSHEE-së, Romeo Kara.